Aqoonyahankii ambaday (WQ: Cabdicasiis Maxamuud Yuusuf “Zaciimka”)

Sanadkii hore jiif ayuu ku laastay isaga oo nafta ku sasabaya wakhtibadan ayaad wax soo baranaysaye naso. Hooyadii iyo Aabihii may baran Qalin iyo qoraaltoona,waxay u haystaan haddii uu ruuxu Tacliin iyo Dhigaal barto in uu hore ka Shaqatagayo. Aabbihii waa nin weyn oo hawl gab ah, waa Farsamo yaqaan Muruq-maal ah, waa Foormaan maalin kaliya kuma qadin Muruqiisa hase ahaatee hadda Xooggiisii waa gabaabsi, Xoog iyo Xiniin waxa uu hayay waxa uu  galiyay Wiilkiisa sidii uu ulla qaybsan lahaa aynigii,filkii,asaagii,qayrkii Tacliinta iyo Ceel ku tartanka Nolosha Bulsho, isna kama dhago adaygin maalinkaliya, lagumana canaanan maalin sagsaag, amma googaysnimo Waxbarasho dirane Tacliimeed ayuu ahaa, mudiic waalid ayuu ahaa, maalinta uu Qalin badashay ayaa nasasho kuugu horaysa ayuu islahaa Aabbihii, Sanadkii labada ayuu fooda galiyay, hadana kii saddexaad ayaa ku dhaafay isaga oo aan koobshaaha caday. oo aan wali Shaqo helin, Shaqo la’aantu waa Cudur Nafeed ogobeey. Waxa laga yaabaa Noloshaada oo hanaan u taalay in ay hab kale u dhigto.

Hadduu Guriga joogo, iyo hadduu Suuqa joogaba, diiqad nafeed ayuu dareemaa. hase ahaatee awal markii uu Iskuulka, iyo Jaamacada waday wuxuu ahaa Suldaan boqran, hadda wuu dhameeyay Jaamacaddii. Shaqona ma hayo Sannadkii hore waxa uu ku ididiiloon jiray baray khayr noqon, Sannad markii uu suuqa u soo baxay ayuu wax badan bartay, awal Xaalkiisu waxa uu ahaa Cun, Cab, xidho, Baro oo Dadaal ogobeey waa hawl mashquul keedda iyo hawsheeda le, iyaduba Sannado badan ayuu ku haw lanaa, maa uu aqoon meel laga shaqo raadsado. iyo si loo Shaqo raad sado midna. markii uu Jamacada dhameeyay ayuu bilaabay Fikir shaqo raadis, goobkasta, Gidaar walba,wuxuu dhigay Waraaqihiisa shaqo raadis.Hay’ad wal iyo Shirkad walba wuu dhigay Shahaadooyinkiisii, Maankiisa waxa ku jira siyar oo sahal ah uun baa laguu soo wici Shaqana waad heli maadaama aad tahay nin aqoon le,mana yaqaan qaabka la isku Shaqaalaysiiyo in ay ka duwan tahay midan uu isagu wax u raadinayo,oo ah Cv ku meel mar, yaab! nimankii ay isku Fasalka ahaayeen ayuu arkaa iyaga oo fadhiya Boosas sarsare oo Shaqo ah, amma Hay’ado madax ka wuu yaabaa wuxuu fahmi kari waayaa sabata Saaxiibadii  Shaqo u heleen isna uu Shaqo u waayay, marka uu waydiiyo ee uu yidhaa Jaalle yaal sidee ayaad shaqadan ku hesheen? waxa ay ugu jawaaban walaal waxa uu ahaa Boos la soo xayaysiiyay dabadeedna anna waan soo codsaday imtixaan ayaan galay.waan ku soo baxay bacdigeed. waa miskiin daacad ah run ayuu uga qaataa, ma dareensan in inta qoorta la soo qabtay qaraabo kiil iyo eex lagu geeyay, imtixaan macal qabadana laga qaaday.wuxuu saluugaa Tacliintii aqoontii uu ku soo qaatay Iskuulada, Jaamacadaha iyo sababta uu ugu soo bixi la’aayahay. baahiyaha wiilka hadda nooli waa ka baahiyo badan yahay kii hore tusaale wuxuu u baahan yahaya basraac,baalash, lacag Telefoonkuhadal oo kala ah “internet charge”, “prepare charge” iyo shaah.waa inta joogtada ah,waliba waa wiilka aan balwada iyo balaayada qabin, kaa hadalkiisa daa!.

Cadaadiska waxa kaga dara  islaamaha Hooyadii soo booqana ee leh wiilkaagi ma shaqeeyaa? maya! wali shaqo ma helin maya. oo ina hebal iyo ina hebalba sawkuwa shaqeeya ee reerkoodii keenay, laakin waa iska calaf wuu iska heli doonaa ayuu daarada iyo daaqadaha ka maqlaa, marka uu guriga joogo. hadduu is yidhaa yara bax oo meelahaa bal koob yar oo qaxwe ah jac ka soo sii, jeebkiisa way is daayeen gacantaba in galiyo mar uu qalin amma war qad kala soo baxayo mooyee. subxaanak yaa cadiim! raga bahashu u daranaa waa shaqo la’aanta e, waalidkii waa ka xishoodaa in uu wax waydiiyo. halkaa marka uu marayo ayuu bilaabaa,Su’aalo tirto beel ah hal celintoodana ay ku keento Kasmadiisa tahliwaa aan ka ahayn in khaladka in saaro dalka iyo in uu canaanto madaxda dadka iyo dalka, waxa gasha cadho, buuq iyo dabeeco xummo iyo buuftaan nafeed.waa halka ay ku kala hadhaan dhalintu mar ka ay duruuftaasi  soo food saarto jirto, mid ayay u leexisaa balwado iyo wax kale, halka qaar ay adkaystaan.

Intaa waxa xigta in uu ka shakiyo Tacliintii uu Sannado badan uu u guuro bahalaynayay, marka uu ku soo bixi waayaba hal Imtixaan, halka ay inamadii uu ka tacliin iyo mustawe wanaagsanaa Xafiis Kursi weyn ayay kolba dhinac isugu wareejinayo,waxa uu isku laab qaboojiyaa waa Qoraal waxani, Qoraal xagee ah? Samada, haa samo aa!

Hal Imtixaan kuma soo baxo, kamana ilbaxo xaraynteeda, Caaqil, Suldaan, Siyaasi ma yaqaan ka wasteeya meel u shaqo tago, Marka uu Nuur iyo Naaleeye ay wada Sheekaysanayaan waa laba ay isku Fasal ahaayeene mid waliba waxa uu yidhaa, “waar orodoo Caaqilkiina amma Suldaankiina, amma Siyaasigiina u yeedho meel uun haku geeyee”. odayga reer kayagu waxna ma qorro waxna ma akhriyo, sideen isku daba wadaa oday aan waxna qorin waxna akhriyin anoo intaasoo dhan wax soo dhiganayay?. Hadaba waa yeelkaaye soo leef Hawada.

Ugudanbayntii muddo marka uu intaa ku jiro ee waxna isbadali waayaan waa uu tacabiraa  oo biimeeyaa Naftiisa iskuna dhigaa haadda iyo libaax-badeeda badwaynta iyo saxaraha liibiya.

Hoos ka akhriso maqaalladii  hore ee Cabdicasiis Maxamuud Yuusuf (Zaciimka)

Quruxdii rabshadda keentay!! (WQ: Cabdicasiis Maxamuud Yuusuf “Saciim”)

Kaadhadhkodii Codbixinta ayay Cunno Siisteen (WQ: Cabdicasiis Maxamuud Yuusuf “Zaciim”)

Muuse muxuu farta u lulaa? (WQ: Cabdicasiis Maxamuud Yuusuf “Zaciimka”)

Ma la cuntay jidiin wali? Q2aad(WQ: Cabdicasiis Maxamuud Yuusuf “Zaciimka”)

Ma la cuntay jidiin wali? Q1aad (WQ: Cabdicasiis Maxamuud Yuusuf “Zaciimka”)