Mahad oo dhan waxaa iska leh Allaha naga yeelay dad Islaam ah, naxariis iyo nabadi ha ahaato nabigenna dushiisa ehelkissa iyo asxaabtisa. Kadib waxan halkan uga mahad celinaya gabi ahaanba bahadda saxaafadaa madaxa banaan iyo dhammaanba bulsho-weynta Reer Somaliland iyo akhristeyasha qiimaha leh. Waxan idinla wadaagayaa gabay magaciisu yahay Hummaag.
Hummaagii xumaha daaya hadafkiisa
Hardan iyo siyaasad iyo dhibaa heley dadkeeniiye
Habqan iyo qaxbaa soo maroo heeray wadankiiye
Hiirtaanyo iyo biyo’alaan baa kuu habsatay helina doonaane
Haykalkii dhisnaa iyo la waa haybadii horee
Hankii lagu ogaa maba lahoo hoos ayuu tegaye
Halkii lagu yaqiin dad waynuhu wuu ka haajiraye
Hadh cad bay siyasadu heertay hanadadeeniiye
Hebel baa ig xiga mooyee hadal kaleba kuma hadaaqaane
Hanaqaadkii waa hore ma jiro higilkii buurnaaye
Hawadeena somalalinad nimo ciida iyo badaha heelkooda
Hebeel baa ixiga oo aan shalay tuurnaybaa haatan na hortaale
Hadal dhimeyey oo waynagaa wada hadoodilane.
Hadaan iri hayaan iyo midnimo iyo horseed fiican
Hadaan iri humaagii xumaha daaya hadafkiisa
Hadaan iri hanaan iyo wanaag qaada hilinkiisa
Hadaan iri hubsiimada badshoo xumaha hoos geeya
Hadaan iri hanadeena iyo madaxda Somaliland
Hadaan iri hormuud aan helno haybad iyo muuqba
Hadaan iri hirkaa muuqda habka dawladimo u heensaysta
Hadaan iri bulsho midnimo horumarkeed doonaa
Hadaan iri halyeey iyo haween hawsha fududeeya
Hadaan iri hilmaamaay wixii hore inoo reebay
Hadaan iri hengelihii xumaa hoosta ha u raacin.
Hadaan iri hubkiyo inaga dhiga qabyalada hawsaarka
Hadaan iri hamuuntiyo dib dhiga damacan heeryeysan
Hadaan iri halgaadkiyo dhibkiyo damacan heeryaysan
Hadaan iri hagaajiya dhulko barta heerarka aqoonta
Hadaan iri Hamiga dowladnimo, horumarkeed doona
Hadaan iri makala hadhi karnee heel isugu keena qaranimda
Hadaan iri hacoo inaga jira haybta kala sooca
Hadaan iri hunguri waa xunyee hoos wax haw eegin
Hadaan iri hogaan sama wadiyo howlkarka adeeca
Hadaan iri ninkii hadaf xun iyo hororka weeteeya
Hadaan iri howl waa wada jiree calankaa kor u qaada
Hadaan iri hantaqaada ka jira lama huraan ciida
Hadaan iri huqdii cadow wadiyo diida hadafkiisa¨
Hadaan iri hadhuudh beerta iyo geeda wada hodanka ah
Hadaan iri haraadkiyo kabaxa oonkan hadhi waayay
Hadaan iri hawada geeya abid calanka hoodaale (qaranka somaliland)
Hadaan iri hog iyo inaga jira dabin hilaabaysan
Hadaan iri hal mida wada noqdoo yaan la kala xadin
Hadaan iri hareerha eega cadawba jiree heegan u ahaadaa
Hadafkeenu nabad weeye iyo hoodo iyo guule
Hare uu wada hayaankaa midnimo horumar weeyaane
Dantiinana Hagaajo ka hadha beenta hadafkeeda
Hadaanse garan lahayn heerka iyo hilinka aan joogno
Kana hadhi lahayn haybta iyo cudurkan haareeyey (qabyalada ina hadhaysay)
Walee horumar baan gaari layn heer sariyo guule
Hawraar intii kari lahaa hadal wanaagiisa dheh
Habayntii abwaan lagu yaqiin himiladiisii dheh
Hantidii aqoontiyo hidaha horumarkeeni dheh
Halyay iyo dadyahaw hiil walaalnimo dheh
Hadafkii Somaliland lagu heliyo talo heshiiskeed dheh
Waxba hadalku yuu ila tarmine hooris gabayaa dheh
Halkii aan la rabay maansadiyo hadafkii toosnaa dheh
Lasoco qaybta danbe……………….
Halkan ka akhriso maanso hore oo ay curisay Sucaad oo la yidhaa Damiir Xalan
Sucaad Sheekh Axmed
sucaadshahmed@gmail.com