Waxa aynu wada ognahay in dalka laga istimaalo mukhaadaraad fara badan oo uu ka mid yahay qaadka sigaarka iyo qaar kale.
Mukhaadaraadkan ayaanay wali wax ka qaban dawladdihii dalka soo maray ilaa dawladdii Siyaad Barre ka dib. Waxaynu ognahay dhibaatada uu qaadku ku hayo bulshadeena iyo sigaarkuba, hadayt ahaydhaqaale, caafimaad iyo qoysba, sidaa darteed waxa ka muhiimsan joojinta bacaha in la joojiyo qaadka iyo sigaar oo aynu ognahay khatarta uubulshadeena ku hayo, kuwaas oo dhamaantood ay dawladdu ay cashuur ka qaadato.
Taa macnaheedu waxa weeyi inay dawladdu iska indho tirayso dhibaatada uu bulshada ku hayo mukhaadaraadka ku habsatay bulshadeena ee halista ah. Waxa aanu ka hadlaynaa maaha inaanu ka soo horjeedno joojinta bacaha, laakiin waxa haboon in la keeno badalkii bacaha, sababtoo ah bulshdeenu waxay u badan tahay danyar.
Sidoo kale sida aynu wada ognahay waxay ku adeegtaan bacaha oo ay waxa ku shubtaan ama ay waxa ku qaataan. Hadaba waxaanu u soo jeedinaynaa dawladda in bacaha laga joojiyo dekeda, badalkeediina ay dawladdu keento ama ganacsatadu oo ay u soo bandhigto wixii ku haboon ee aan deegaakeena waxba yeelayn.
Waddankeena waxa ka jira si aynu wada ognhay duruufo dhaale xumo oo aanay dadku awoodi karin inay iska bixiyaan ganaax. Waxaanu u soo jeedinaynaa dawladda gaar ahaan wasaaradda Deegaanka in ay bulshada hoos u eegto.
W.Q Cabdiraxmaan Aadan Maxamuud