Maansadani waxaan ka curiyey oo ay ka hadlaysaa wixii shalay 12/02/2017 ka dhacay aqalka guurtida Somaliland, waxayna si toos ah ula hadlaysaa bulshada iyadoo doonaysa in ay dareenkooda iyo damiirkooda lagu soo duulay ee dalkoodii lagu qaadanaayo ka soo hor jeesta leh.
Guud ahaan dalkeenee
Iminka god lagu riday
Kuwaad guudka saartaa
Gelin hore ku iibsaday
Dabadeed guhaad bay
Gurigaaga badayaan
Intay ginniga lacagtiyo
Dhaameelkooda gurashada
Gobanimo ka doorteen
Bulshayahay gedoodoo
Gunimada ka dhiidhiya
Kuwo garasho daran baa
Beledkeena gubayee
Gidigood ba caraabshoo
Gobolkeena dhaafshoo
Guurtidiyo wakiilada
Geyigeena dhaafshoo
Guno baas mid qaatiyo
Golihii la doortaa
Shacabkii gumaadoo
Garba goyn ku laayoo
Gibishoodii iibsaday
Dabadeed gedoodii
Intay garasho diideen
Garbaduub ku qaad bay
Geyigeena keeneen
Gilgiliyo dagaal bay
Gadh castii ku laayeen
Maxamed Cumar Dhagax