Madaxweynaha Somaliland: Farriin Ku Aaddan Dhulka Lagu Haysto Xaaskii Madaxweyne Cigaal.
2013kii oo aan la kulmay Hooyada Somaliland Kaltuun Xaaaji Daahir Cigaal Marwadii Madaxweyne Cigaal ayaan weyddiiyay halka ay marayso Egal Foundation for Regional Development. Waxa ay igu tidhi “Waxa nagu haysta niman ay Muuse Biixi xigaal yihiin oo isaga ku tiirsan. Markii aan idhi ‘Igala hadal’ waxa uu yidhi ‘Dee dhulka wax ka sii”. Dhawr jeer oo fulin la soo amrayna dib ayaan u dhigay si aan waxyeello u iman”. Illaa berigaas qalbiga ayaan ka naxsanaa..
Maanta Md Muuse Biixi waa madaxweynaha Jamhuuriyadda Somaliland. Duco ayuu qaadan lahaa haddii raggaas ku xidhnaa ee xigaalka la ahaa uu meel kale u baadhbaadho, kollay baloodh Buurta kala-jeexan ahna uma waayeen.. Madaxweyne arrinkaas innaga dhammee.