Sawirkani waa anigii oo beerta xoriyadda taageero badan u muujinaya geesi Mudane Madaxweyne Siilaanyo.
Wixii la qabtay iyo wixii la qaban waayey ha inoo dambeeyo e, khayaamo-qaran baa la innagu sameeyey oo codkeenii maalintii uu ku ekaa in la innagu soo celiyo ayay ahayd.
Bal u yara fiirso weedhahan ku dhigan buug-yarihii aynu dhallinta u akhriyi jirnay ee Barnaamijkii Xisbiga Kulmiye. Isaga oo ka hadlaya sharciyadda Dastuurka ee mar kasta dhulka la jiido.
Fariinta Gudoomiyaha Xisbiga Kulmiye: Axmed Maxamed Maxamuud Siilaanyo, Safxadda 4aad:
“Waxa la caadaystay ku-tumashada xorriyadda muwaadiniinta, iyada oo ay xukuumadda dhaqan u noqtay baal-maridda ku-dhaqanka qaanuunka iyo sharciga. Dastuurkeena ayaa maamulkani si joogto ah u jebiyaa oo uu si badheedh ah ugu tuntaa si uu xukunka u sii haysto.”
Halkii hore ayaynu taagan nahay oo Dastuurkii sidii ayuun baa meel loogaga dhacayaa ee maxaa xal ah?
Mahdi Sheekh
Hargeysa