Maansada Magac badan waa maansadii 6aad ee silsilada miimley ee uu daahfuray Abwaan Xasan daahri ismaaciil Weedhsame. Waxay maansadani ka hadlaysaa waxyaabaha tirada badan ee dalkeena yaala. Dhinac waxay ka tahay markhaati, dhinaca kalena waxay ka tahay dood.
Abwaan Maxamed Cumar Dhagax
Waxay ina leedahay magac badan sidatan:
Muunidii subxeed buu
Weedhsamow muducigii
Meeriskeedu ii yimid
Maalmihii danbeetana
Ganey marag furkiisuna
Mareegtayda soo galay
Ana kama masuugine
Milgo beelka jira baan
Magac badan ku tirinee
Weeyeda I maqashii
Malkadii dalkeeniyo
Masalihii sareetaba
Way maahsan yiinoo
Waxay miidhayaan hebel
Makeekiga shir ula taga
Muunadii hogaankiyo
Maqiiqanaa shirkii yimid
Wuxuu maandhe leeyahay
Inamada na maagiyo
Waa kuma muducigaad
Maragiisa furaysaan?
Inuu mililka qariyuu
Maankiis ka deyayaa
Waxa loogu magac dhebey
Maatadiyo haweenkiyo
Inta qalinka maashiyo
Muruq weynta weeyaan
Wiilku waa af miishaar
Intuu madaxa ruxay buu
Maaxdii ku leeyahay
Muslimyahaw islaameed
Waan mashquulsanaayee
Ma maroor yar baa jira?
Maqaar saarka ooshiyo
Kuwa mudane sheegtiyo
Mid danbiil u buuxaa
Judhadiiba maya yidhi
Dabadeed maqiiqane
Maashaa Alluu yidhi
Inta uu is mahadiyuu
Maahmaaho beeniyo
Murti saartay guudkoo
Wuxu yidhi marlaydiyo
Duqaydiyo magoolkoow
Milic weeye haatane
Minankii aadoo
Aniguna ma tegayaa
Gudaan miidhanaayaa
Inta melega jecel baa
Madashaas ka buuxdee
Qaar maahsan abidiyo
Maata boobkii buu xulay
Ileen waa maciisee
Waa madaxyo weyntii
Koofiyadaha murqaankiyo
Melegooda liqi jiray
Dhawr marduuf la soo qaad
Haasaawe maad badan
Magrigoodii soo dhige
Kuyee mudahaygoow
Wasiirkii mudnaayoow
Inta adi ku maagtaa
Waa munaafiqiintii
Maal raadintooday
Adi kugu marmarayaan
Qaar baa mucaaradโa
Kusoo bood makale jaan
Mishan baan dhigiyee
Magacdooda ii qora
Alla magacyo badanaa
Waa mudane hebel iyo
Maha iyo war moogiyo
Marwadoodii weeyaan
Maqiiqanena laaluush
Dhawr malyuun ku soo qaad
Meel meel ku saydh saydh
Dabadeed maqiiqane
Mirtii dhexe ayuu guday
Madaxtooyadii galay
Wuxuu miiska soo dhigay
Dadkii waan macsuumoo
Waa wada mudaacali
Inta loo mushxaradaa
Mahadsanidda lagu yidhi
Misna maar kalaa furan
Xasan baa muduci wada
Ayuun bay maqleenoo
Waa maqane joogee
Madhax tire dilaal baa
Miidhiyaha la soo koray
Soo taan mardhoofee
Aduunyada mushaaxee
Maalgashiga dalbaayee
Is miiskiinintaydii
Marsadii ku soo gaday
Dhawr malyuunna soo helay
Muqdishona la kaashaday!
Hadda mudanahaagii
Xasanoow ma fiirsane
Murdisaduu u taagaa