Maxamed waxaa uu fursad tababar ama siminaar u helay in uu kaga qayb galo dalka boqortooyada ingiriiska, markii uu tegay meeshii intii aan tababarkiiba bilaabmin wuxuu la kulmay walaalkii iyo habrawadaagii oo uu ku ogaa inay joogeen magaaladoodii Hargeysa ee uu ka soo kicitimay intii aanu safarkan ku iman meesha ,
Aad buu ugu farxay aragtidii , wuxuuse la yaabay siday ku yimaadeen , maadaama labadooduba magaaladii Hargeysa ku dayacnaayeen , oo ka mid ahaayeen dadkan aad u isticmaala jaadka iyo sigaarkaka , waxbarashadana ka hadhay ee inta badan dulsaarka ku ah qoysaska , waxyeelo mooyaane aaan waxtarkana lahayn, ka dib markii uu xaal waraystay ,waxay u sheegeen waxa ay ku sugan yihiin , Maxamedna wuxuu waydiiyey , waar maxad isku dhiibi waydeen haddaad timaadeen ingiriiska ? iyaguna waxay ugu jawaabeen walaal luuqada ayaananu garanayne , kaalay adigaa garanayee noo raac meesha layska dhiibo si aad noogu kala turjunto annaga iyo qoladan cadaanka ah , Maxamedna wuu raacay,
Ka dib markii ay gaadheen meeshii ay doonayeen , ayuu maxamed xasuustay in uu hawl u socday oo wadankaba siminaark u yimid , qoladii uu la socdayna aanu ku wargelin in cid kale uu raacay ileen nin magalada kala garanayana maahee , wuxuu damcay in uu telefoon kula xidhiidhii cidii uu la socday , isla markii uu garaacay ama wacay telefoonkiina gabadh baa ka qabtay , intii uu hallow , hallowda hayeyna , wuxuu ku war helay iyadoo albaakii gurigii uu hurday lagu garaacayo oo xaaskiisii ku leedahay xaaji waa la eedamayaaye toos way gaadhay salaadii casar ee kac oo tuko , intuu naxay ayuu toosay mise Hargeysa ayuu joogaa , waliba wuxuu hurdaa qolkiisii hurdada , intuu soo toosay ayuu yidhi” ilaahayoo riyadayda wanaagsan run nooga dhig “mise labadii nin ee uu ingiriiska kula kulmayna Hargeysay sidoodii iska dhex joogaan
Hoos ka akhriso maqaalo hore oo uu qoray Kamaal Xassan Isaaq
Sheeko siyaasi ah: Haddii aanu walaalkayo garab istaagi lahayn, maanta waxaasi kumay dhaceen
Cabsida carruurtu usha ka qabaan
Wadayaasha baabuurta iyo waxyeeladay carruurta ku hayaan
Hoos u dhaca sayladaha xoolaha oo saameeyey xoolo dhaqatada masaakiinta ah
Sheeko dhab ah: I waydii waxaan rabo!
Badbaadada carruurtu waa badbaada bulshadeena
Tell: 00252-63-4402758
Hargeysa Somaliland