Saddex arrimood ayaa ka soo baxay bandhiggii Buugga Foolaad ee Muqdisho ka dhacay:
= Qoraaga Buugga oo geeyey buugga meel aan laga aqoonsanayn halgankii naf-huridda lahaa ee uu Abwaan Maxamed Mooge Liibaan ‘AHN ’ u soo galay dalka Soomaalilaan. Waxa keliya ee qoraaga u muuqatay shilimada buugga ka soo galayey, hasayeeshee kamuu fikirin in halgankii Maxamed Mooge soo galay ay qaar badan oo reer Soomaaliya ahi aanay aaminsanayn.
= Markii uu Wasiirka arrimaha gudaha ee Soomaaliya khudbadiisa uu Soomaalilaan kaga dhigay gobol yar oo Soomaaliya ka mid ah, dadkii bandhigga Buugga fadhiyey oo u badnaa reer Soomaalilaan sacab iyo soo dhaweyn ayey ku qaabileen. Taasina waxa ay caddeyn u tahay sida buugga FOOLAAD ugu gacan galay cadowga Soomaalilaan.
= Muqdisho oo Maxamed Mooge ‘AHU ‘ uu 40 sannadood ka hor ka tegay oo uu meeqaam iyo maamuus ka waayey ayey qoraaga iyo koox la socotay taariikhdiisii u tahriibiyeen, si ay waxoogaa adduun ah uga helaan.
Cali Cabdi Coomay
Suxufi, qoraa ah.
Hargaysa, Soomaalilaan