Dollarized economy waxa lagu tilmaama dalka iyo dadka naca lacagta qaranka “National currency “, ee kalsoonida kala noqda. Waxay ku bedeshaan “Doolarka “ kana dhigtaan “ Legal tender”. Waa marka shacabku wax walba ku iibsado doolar “curency substitution “, xukuumadduna cashuurta ku qaadato doolar, mushaharkana ku bixiso doolar “ Real sector dollarization “ Waa marka dadku hantidooda gaar-ahaaneed ku kaydsadaan “doolar “ Private sector dollarization”. Sida ku qeexan daraasad ay soo saarty IMF, dalalka Africa ee dhaqaalahoodu ku sar-go’an yahay doolarka waxa ka mid Somaliland 93%, Congo 91%, Uganda 52%, Tanzania 47%, Angola 44%, South Sudan 26%.
Halkaas waxa ka muuqata in ay Somaliland gebi ahaanba ka aamin baxday lacagta qaranka ee shilinka. Waddamada 100% dolarized-ka ah waxa ka mida Ecuador, Panama iyo Salavador oo dhaqaalahoodu ku xidhan yahay Maraykanka. Dhibaatooyinka dhaqaale ee soo waajaha waddamada ku dhaqma “Dollarised Economy“ waxa ka mid ah :
- Bankiga Dhexe oo aan xakamayn karin xadiga lacagta “Money supply “
- Bankiga Dhexe oo aan awood sharci u lahayn dabacaada doolarka “Printing of US Dollars”
- Bankiga Dhexe oo aan awood u lahayn fadhiisinta sarifka lacagta qalaad “ Foreign exchange stability’
- Doolarka oo yaraada iyo qiimaheesa oo kor u kaca.
- Lacagta qaranka “National currency “ oo qiimaheedo hoos u dhacdo.
- Sicir-barar xad-dhaaf ah iyo maciishada oo qaali-noqota “high inflationary pressure”
Doolarku wuxuu Somaliland kasoo galaa dhoofinta xoolaha iyo qurba-joogta , waxaana 70% urursada ganacsatada waawayn sida Dahabshil, Telesom, Indho-deero Group, Oomaar Group, Af-diinle 571 iyo qaar kale. Waxa kale oo doolarka urursada Qasriga Madaxtooyadda, xubnaha xukuumadda iyo xaaraan-quutayaasha ku xeeran. Waxa dulman danyarta, saboolka, reer miyiga , beeralayda iyo wadhatada .
Gunaanad: Madaxwayne-ku-Xigeenka Saylici uma bilowna cilmiga dhaqaalaha iyo sicir-bararku. Madaxweyne Siilaanyo waxa la gudboon:
- Inuu aamino Somaliland Shilin, cashuurta ku qaado, mushaharka ku bixiyo, ku kaydiyo dhigaalka dawladda ”Gov’t Deposits”, joojiyo daabacaada isdaba-jooga ah ee Somaliland shilin, loona yaqaano “Filipino/Indhoyar”
- In Bankiga Dhexe ku waajibiyo ganacsatada iyo sariflayda in ay ugu yaraan 50% kaydkooda lacageed “Monetary deposits “ u rogtaan Somaliland shilin.
- In la xadido lacagta lagu xawilo ZAAD iyo E-DAHAB oo aanay ka badan $ 50 doolar qof kasta maalintii.
- In la joojiyo boobka hantida qaranka ee doolarka lagu urursanayo.
Ugu danbayn, waxa la gudboon danyarta iyo saboolka in aanay cod-danbe siinin Xisbiga Kulmiye ee holaday Xukuumadda Murdiso.
La soco qormada “Shanaad”
Drs. Hoodo Yusuf, London.