Agaasimaha Guud Ee Wasaarada Arrimaha Gudaha Somaliland Cilmi Cabdiraxmaan Cashuur ayaa waxa uu saaka kulan is barasho ah la qaatay shaqaalaha wasaaradda Arrimaha Guddaha.
Agaasimaha Wasaaradda Arrimaha Guddaha ee Gobolada, Degmooyinka iyo Dawladaha Hoose ee Cilmi Cabdiraxmaan Cashuur oo laba cisho ka hor la wareegay xilka Agaasimaha wasaaradda Arrimaha Guddaha.
Ugu horeyn waxa uu shaqaalaha wasaaradda u jeediyey khudbad dhiir gelin iyo dardaaran u badan, sidoo kalena waxa uu ugu bushaareeyey shaqaalaha wasaaradda in aanu kala xigtaysan doonin, isagoo arrintaas ka hadlayana waxa uu yidhi:
“Waxaad iga filataan in aanan idiin kala eexan, idina soo kala dhaweysan isla markaana aanan qofna qof u maqlin, qof walba aan ku qiimeeyo shaqadiisa iyo sida uu uga soo baxo.”
