War-saxaafadeed ka soo baxay xisbiga Kulmiye, kuna saxeexan yahay Guddoomiyaha Kulmiye ahna musharaxa madaxweyne Muuse Biixi Cabdi wuxuu u magacacaabay Guddoomiye-ku-xigeenka saddexaad ee xisbiga Kulmiye Xuseen Aadan Cadde.
War-saxaafadeedkaasi oo dhamaystirane waxa uu u dhignaa sida tan:
Ku: Xuseen Aadan Cadde =Hargeysa =
Og: Golaha Dhexe ee xisbiga KULMIYE =Hargeysa =
Og: Guddida Fulinta Xisbiga KULMIYE =Hargeysa =
Og: Madaxweynaha JSL, Mudane Axmed Maxamed Maxamuud =Hargeysa =
Ujeeddo: Magacaabista Guddoomiye Ku Xigeenka 3-aad ee Xisbiga KULMIYE
Kadib markaan arkay xilka Guddoomiye-ku-xigeenka Saddexaad ee xisbiga KULMIYE ee bannaannaaday ansixintii Shirweynihii 3-aad ee xisbiga KULMIYE kadib.
Kadib markii aan la tashi la sameeyey xubnaha Hoggaanka xisbiga iyo cidda kale ee ay khusayso.
Kadib markaan arkay muhiimadda buuxinta xilka Guddoomiye-ku-xigeenimo ee bannaani u leedahay waqti xaadirkan habsami-u-socodka hawlaha xisbiga, waxa loo magacaabay:
- In Xuseen Aadan Cadde – Laga bilaabo maanta, January 15th, 2017, uu ahaado Guddoomiye-ku-xigeenka saddexaad (3-aad) ee xisbiga KULMIYE.
Waxa aan Alle uga baryayaa in uu Mudane Xuseen Aadan Cadde ku asturo xilka iyo masuuliyadda culayskeeda leh ee uu u qaaday dhammaan bah-weynta xisbiga KULMIYE.
NB: Magacaabista xilka Guddoomiye-ku-xigeenimo ee kor ku xusan waxa ay dhaqangali doontaa ansixinta shirka Golaha Dhexe ee ugu horeeya kadib. Xil gudasho wacan.
ALLAA MAHAD LEH
Muuse Biixi Cabdi
______________________________________________
Guddoomiyaha Xisbiga KULMIYE
Email: kulmiyepartychairman@gmail.com
Telephone: +25263 4026659, +25263 4093555,
Sha’ab Area, Hargeisa, Somaliland Republic.
