Guddoomiyaha Maxkamadda Sare iyo ta Dastuuriga ah ayaa ka qayb galay laba shir oo caalami ah. Shirka hore waxa uu ku saabsanaa “Shuruuucda oo la is waydaarsadaa doorka ay ka ciyaarto xoojinta Dawlanimo sharci ku dhisan iyo maamulka ku dhisan hanaanka axsaabta badan ee Qaarada Africa” (Open Law- Africa Conference 2015, the free Access to Law in deepening Rule of Law and Democracy ), waxaanu ka dhacay Nariobi, Kenya, 12-13 Octorber, waxa soo wada qabanqaabiyay African Legal Information Institute (AfricanLii) , SAFLII ( South African legal information institute), University of Cape Town iyo Kenya Law.
Shirka labaad waxa uu ahaa shirkii ugu horeeyay ka dhaca Africa kuna saabsanaa isku imaantinkii ugu horeeyay ee si cilmiyaysan looga hadalo hirgalinta sharciyada Deegaanka si loo xoojiyo maamul wanaaga, cadaalada iyo sharciga Deegaanka (1st Africa Colloquium on Environmental Rule of Law – Towards Strengthened Environmental Governance, Justice and Law), waxaanu ka dhacay Nairobi 14-16 Octoober. Waxaana soo qaban qaabiyay UNEP, Konrad Adenauer Stiftung iyo Machadaka Tababarka Garsoorka ee Kenya.
Shirka hore waxa maalintiisa hore ka soo qayb galay Guddoomiyaha Maxkamada Sare ee Kiiniya Dr: Willy Mutunga. Waxaanu ka jeediyay khudbadii furtiaanka oo gudibinaysay fariin ah in hadii Afrika xaga sharciga isu furto in ay khibradooda is waydaarsan doonaan, isla markaana la heli doono wada shaqayn fiican iyo Cadaalada oo sare u kacda.
Waxa isaguna Kalamadii furitaanka ka jeediyay Guddoomiyaha Maxkamadda Sare Prof. Aadam Xaaji Cali Axmed, isagoo ka jeediyaya khudbadan gubinaysay fariin ah in Afrika aan isku meel taagnayn laakin wax la kala baran karo sidaa awgeed waxa muhiim ah in laga yeesho qorshe iyo siyaasad guud ahaan Afrika iyo qaybaheeda kale duwan.
Dhinaca kale Guddoomiyaha Maxkada Sare waxa ay kulan gaaban wada qaateen Guddoomiyaha Maxkamadda Sare ee Kiiniya iyaga oo ku balamay in ay kulan dheer isugu yimaadaan maalinta beri si ay ugu wada hadlaan iskaashi iyo walliba sidii ay Somaliland wax uga baran lahayd nidaamka Garsoorka Kiiniya oo aad u hor marsan.
