Ceebtii ka dhacday bandhigii buugga ka hadlayey taariikhdii madaxweyne koowaad ee Soomaalilaan C/raxmaan Tuur ‘AHN waxa aynu ka xusi karnaa dhawrkan arrimood:
- Eedda koowaad waxa leh kooxda qaban qabanaysay buugga ee tikidhad u qaybisay ciyaallo suuqa aan u qalmi inay madasha yimaadaan.
- Qoraaga buugga waxa ka muuqtay in aanu waayo-aragnimo qoraal lahayn, waayo wuxuu qiyaasi kari waayey xiisadda taagan iyo dadka loo qaybinayey tikidha casuumadda.
- Taageerayaashii xisbiyada mucaaradka ee dadka madasha qurxinayey ku qaylinayey waxa ay goobtii u beddeleen madal xisbiyadu leeyihiin oo aan dad kale laga ogaleyn. Waxa ay ku ciyaareen sumcaddii buugga.
- Qas-wadayaashii madasha joogay waxa ay buuggii ka xidheen iibkii ay iibsan lahaayeen xubnihii dawladda iyo ganacsatadu. Halkaasi wuxuu khasaare maaliyadeed ka soo gaadhayaa qoraaga.
- Xisbi mucaarad Kulmiye ayaa ugu muddo dheeraa, haddana weli laguma arag madal buug oo ay dhacdo noocan ah ka sameeyeen.
Cali Cabdi Coomay
Suxufi, qoraa ah.
Hargaysa, Soomaalilaan