Madaxweynaha dalka Austria oo raaligelin ka bixiyay jabinta sharciyada lagu xakamaynayo xilliga Kooronaha
Madaxweynaha dalka Austria Alexander Vander Bellen ayaa si rasmiya raali-gelin buuxda uga bixiyay jabinta sharciyada lagu tacaalayo xanuunka Kooranaha, kadib markii uu ku habsaamay hotel uu cunto ka cunayay, isaga oo ย dhaafay xilliyada rasmiga ee loo qabtay in la fadhiyo hudheelada oo 11:00 habeenimo ugu dambayso xilliga la xidhayo, waxaanu jabiyay sharciga isagoo si fadhiyay goobta ilaa amminta saacaddu ahayd 12:18 ee habeenimo, waxaanay boolisku caddeeyeen in uu Madaxweynuhu ka mid yahay dadka sharciga jabiyay, ย iyagoo ku xusay warbixintooda baadhitaano ay wadeen in ay ka war heleen si kadis ah Madaxweynaha iyo xaaskiisa oo kamid ah dadka hotel-ka ku daahay, islamarkaana jabiyay sharciga lagula tacaalaayo Corona Virus, sidoo kale boolisku waxay caddeeyeen in ay u gudbiyeen dacwadda ha’ayadaha ku shuqulka leh oo qiimeyn sharci ku samaynayaa jabinta sharciga. Madaxweynuhu si cad ayuu u sheegay in ay khalad ahayd wakhtiga dheeraadka ee ay sii fadhiyeen, waxaanu xusay in ay ahayd markii u horreysay ee hotel yimaaddo, tan iyo intii lagu guda jirey xanibaadihii uu keenay xanuunka Corono Virus, waxaanu uu tilmaamay isagoo ku qoray bartiisa Twitter-ka in uu hilmaamay saacadda, ayna ahayd khalad u galay. Hotelkii uu Madaxweynuhu fadhiyay ayaa laga yaaba in uu waajaho ganaax lacageed oo dhan Soddon Kun oo Euro, kaas oo dhigaya in hotelada ganacsi ee ku xad-gudba sharciga xilliga Koroonaha ay muttaysan karaan ganaxaas lacageed, ย waxaanu madaxweynuhu sheegay in uu dusha u ridanayo masuuliyadda xad-gudubka sharci ee uu sameeyay. Austria ayaa soo saartay sharciyo badan oo lagula tacaalaayo xannuunkan, waxaanu noqonaya masuulkii u horreeyay Yurub ee raali-gelin ka bixiya jabinta sharciyada lagula tacaalayo xanuunka faraha ba’an ku haya adduunka ee Corona Virus.
Xogta Warka : ORF Vienna
Cabdiraxman faysal