Madaxweyne Axmed Maxamed “Siilaany” ayaa waxa uu maanta dhagax-dhigay dhisme cusub oo loo dhisi doono ciidanka Booliska.
Xarunta dhismaha cusub ee Taliska Booliska ayaa dawladda waxa ka caawinaya Dawladda Ingiriiska oo horen u dhistay xarunta ee haatan ku shaqeeyaan Booliska sannadkii 1936-kii qaybtiisa koowaad, halka qaybta labaadna ay dhiseen sannadkii 1942-kii.
Dhismahan cusub ayaa waxa lagu dhamaystiri doonaa muddo sannad ka yar.
Madaxweyne Siilaanyo oo ka hadlay xaflada dhagax-dhiga ayaa waxa hadaladiisa ka mid ahaaa:
“Aad ayaan ugu faraxsanahay in aan mashruucan muhiimka ah dhagax dhigo, aadna waxan ugu mahadcelinayaa dawladda Ingiriiska iyo cid alle cidii innagala qaybgashay mashruucan dhismihiisa, muhiimad weynbuu u leeyahay Qaranka Somaliland illaahayna waxaan inooga rajaynayaa inuu guul weyn inaga gaadhsiiyo insha allaahu tacaala.”
Taliska Ciidanka Booliska ayaa waxa uu ahaa mid aad u duugoobay oo aad ugu baahan dacayir iyo in laga bineeyo dhisme cusub.