Madaxweynaha Jamhuuriyadda Somaliland Axmed Maxamed Siilaanyo waxa uu xalay kulan casho-sharaf ah ku qaabiley madaxweynihii hore ee Somaliland Daahir Rayaale Kaahin oo ay wehelinaysay Marwadiisa Huda Barkhad Aadan.
Madaxweynaha Qaranka oo ay wehelinaysay Marwada Koowaad ee Somaliland, Marwo Aamina-weris Sh. Maxamed Jirde, Madaxweyne-Xigeenka Somaliland, Cabdiraxmaan Cabdilaahi Ismaaciil (Saylici), Wasiirka Madaxtooyada Maxamuud Xaashi Cabdi, Wasiir ku xigeenka Madaxtooyada Axmed Xaashi Cabdi, Safiirka Somaliland u fadiya Imaaraadka Baashe Cawil Cumar, Xoghayaha gaarka ah ee Madaxweynaha Cali Axmed Cali, iyo xubno kale.
Madaxweyne Silaanyo ayaa qasriga Madaxtooyada ku soo dhaweeyey ย Madaxweyneย Daahir Rayaale Kaahin oo wakhtigan dalka ku sugan.
Kulankan oo aan ahayn kii u horreeyey ee ay wada yeeshaan madaxweynaha hadda tallada haya iyo madaxweynihii hore, tan iyo intii ay xilka la kala wareegeen dhammaadkii sanadkii 2010 kii.