Afhayeenka Madaxtooyada Somaliland Axmed Saleebaan Dhuxul ayaa u waramay qaar ka mid ah warbaahinta dalka waxaanu faahfaahin ka bixiyey warar uu ku tilmaamay been-abuur oo ay baryahanba isla dhex marayeen asxaabta mucaaridku, waxanu sheegay in hayโdo caalami ah oo dalka ka baxay aanay jirin.
Afhayeen Dhuxul wuxu asxaabta mucaaridka ku eedeeyey in ay ka xun yihiin hayโadaha samo-falka ee xafiisyadooda ka furanaya Koonfurta Hargeysa, gaar ahaan xaafadda Masalaha.
โMidowga Yurub iyo Qaramada Midoobayba muddo dheer ayay dalka wax-taraan xasilloonina way ku deggan yihiin. Ma jiraan hayโado dalka ka baxay.โ
โHaddii Dumubluq la tago, Somaliland lagama bixinโ ayuu yidhi Dhuxul.
Af-hayeen Dhuxul wuxu xisbiyada mucaaridka u soo jeediyey in aanay wakhti ku lumin arrimaha been-abuurka ah balse ay samaystaan barnaamij siyaasadeed oo ay dadka ku soo jiitaan kulana tartamaan.
Afhayeen Dhuxul wuxu ku faanay in xukuumadda hadda jirtaa ay u hagar baxday dalka oo ay fulisay mashaariic wax weyn ka qabtay adeegyada caafimaadka, waxbarashada iyo kaabeyaasha dhaqaalaha sida waddooyinka.
Afhayeenku wuxu ka jawaabayey eedaymo ay maalmihii u dambeeyey mucaaridku soo jeediyeen iyagoo labada xisbi-mucaarid tibaaxay in xafiiskii Midowga Yurub la xidhay sabab la xidhiidha niyadjabka ay bulshada caalamku ka qaadeen doorashooyinka Somaliland ee dib u dhacay.
Jamaal Cali Xuseen, musharaxa Madaxweynaha UCID, ayaa isaguna barta Facebook-giisa ku daabacay sawir diyaarad dad lagu daadguraynayo, waxanu ku hoos qoray โshaqaalihii hayโadaha caalamiga ah oo dalka ka baxayaโ taas oo xidhiidho uu Bandhige la sameeyey xafiisyada iyo shakhsiyaadka arrimahan u dhuun-daloola ay u sheegeen in aanay ka war hayn shaqaale dalka ka baxay.