Waxaa shirkan ka soo qayb galay Maayirka Caasimadda, Xoghayaha fulinta, shaqaalaha waaxaha dhulka, shaqaalaha iyo maamulka shirkadda Geosol.
Waxaa si adag looga doodday xal u helidda caqabadaha soo noq-noqda ee waaxda dhulka, waxaa war-bixinno iyo talooyin laga dhagaystay agaasimaha waaxda dhulka, maamulaha shirkadda Geosol, qaar ka mid ah mudanayaasha golaha deegaanka, gudddoomiyayaasha degmooyinka Caasimadda iyo xubno kale oo muhiim ah.
Sidoo kale waxaa shirkan ka soo qayb galay Maayirradii hore ee Caasimadda Cabdiraxmaan Solteco iyo Eng Jiciir oo talooyin, tusaalayaal, khibrad, iyo waayo aragnimo, wixii ay u soo joogeen ka warramay kuna soo kordhiyey Shirweynaha Waaxda Dhulka Dawladda Hoose ee Hargaysa.
