War-saxaafadeed gelinkii dambe ee xalay ka soo baxay Wasaaradda Arrimaha Dibedda Somaliland oo nuqul ka mid ahi Bandhige soo gaadhay ayaa lagu sheegay in Wasiirka Arrimaha Dibedda Somaliland markii uu dalka ku soo laabtay si diiran loogu soo dhaweeyey isaga oo wasiirkuna Golaha Dhexe ee Kulmiye ka codsaday in ay doorashadooda ku saleeyaanย aqoon, waayo-aragnimo, karti, xajiin laโaan iyo taariikh qaali ah oo qofku leeyahay. Wasiir Biixi waxa kale oo uu sheegay in aanu qurbo-joog kaliya ahayn laakiin uu dalka yaqaan macalina ka soo ahaan jiray Bulaxaar, Balli-gubadle, Berbera iyo Salaxley.
War-saxaafadeedkaas oo dhammaysitrani waxa uu u dhigan yahay sidan:
Wasiirka Arrimah Dibedda & Iskaashiga Caalamiga ahย JSL, Mudane Maxamed Biixi Yoonis oo ka soo noqday socdaalkii uu ku weheliyay Weftigii Heerka Qaran ee Madaxweyaha JSL hoggaamiyay ee booqashada martiqaadka leh ku tegay dalka Ireland ayaa si ballaadhan loogu soo dhaweeyay Madaarka Caalamiga ah ee Cigaal International Airport ee magaalada Hargeysa. Waxa ka qaybgalay soo dhawayntii Wasiirki dadweyne tiro badan, wasiiro, xildhibaanno, salaadiin iyo madaxdhaqameed, golaha dhexe ee Xisbiga Kulmiye iyo martisharaf kale.
Wasiirka oo kula hadlay qolka nashadaย Madaarka Cigaal warbaahinta ayaa sheegay in safarkii Ireland ee weftiga Madaxweynuhu uu ahaa safar taariikhi ah oo guul leh kaasoo laguย unkay xidhiidh muhiim ah iyo iskaashi faaiido u leh Somaliland oo dalka Ireland wax kala qabto Somaliland dhinacyada horumarka, siyaasadda iyo ictiraafka.
Wasiir Maxamed Biixi Yoonis waxa uu sidoo kale ka hadlay oo uu celiyay inuu bulshada Somaliland ku wargeliyo hankiisa siyaasadeed ee Musharaxa Jagada Madaxweyne Xisbiga Kulmiye waxanu xusay inuu aqoon iyo waaya aragnimo xeeldheer u leeyahay inuu dalka horumar gaadhsiiyo haddii uu noqdo madaxweynaha dalka.
Waxa uu sidoo kale tilmaamay inuu aqoon badan u leeyahay dalka iyo dadka Somaliland oo uu macalin ka soo noqday degmooyin iyo gobollo kala duwan.
โWaxan ahay musharax ka dhex tartamaya Xisbiga Kulmiye,ย Ilaahayna ย ย ka baryaya inaan ku guulaysto. Waxan is leeyahay wadanka waxad ku soo kordhinaysaa aqoon, cilmi, aragtiย iyo waaya aragnimo ballaadhan anigoo aqoon weyn u leh wadankanย iyo caalamkaba oo is leh halkaa maanta dawladda Axmed Maxamed Maxamuud (Siilaanyo) gaadhsiisay ayaad ka sii dhaqaajin kartaa oo dalkanaadย wax u qaban kartaa, aqoonteedaad leedahay, khibradย culusbaad leedahay, dalkaad taqaannaaย ooย dee macalin baan ka ahaa dad badan baaย malaha u haysta inaan qurbajoog uun ahay Bulaxaar baan ka ahaa macalin, Salaxley baan ka ahaa, Balligubadlaan ka ahaa, Sheikh baan ka ahaa Barbaraan ka ahaa, Burcaan ka ahaa, wadanka aad baan u aqaannaa.ย ย Waxan is leeyahay wadanka waad dhaqaajin kartaa heer cusub oo aqoon iyo cilmi iyo qalin ku dhisan ayaad gaadhsiin kartaa,โ ayuu yidhi Wasiirku.
Wasiirka Arrimaha Dibadda & Iskaashiga Caalamiga ah JSL wuxu u rajeeyayย ย Golaha Dhexe ee Xisbigaย Kulmiye inayย doorashada musharaxa ku qiimayn doonaan heerka aqooneed iyo waaya aragnimada musharaxa. โWaxan filayaa Golaha Dhexe ee Xisbiga Kulmiyeย uu ku doorto qofka ay dooranayaan aqoon, waaya aragnimo, karti, xajiin laโaan iyo taariikh qaali ah oo qofku leeyahay,โ ayuu yidhi Wasiirku.
Waxa ka qaybgalay soo dhawayntii Wasiirka Arrimaha Dibadda Mudane Maxamed Biixi Yoonis, dadweyne aad u tiro badan, kana mid ahaayeen madax dhaqameed, wasiiro, xildhibaanno, xubnaha golaha dhexe ee Xisbiga Kulmiye iyo taageeraayaasha Xisbiga.ย Masuuliyiintii, salaadiintii iyo dhammaan dadkii ka hadlay soo dhawayntii Wasiirka ayaa soo dhaweeyay musharaxnimadiisa, kuna sifeeyayย Wasiirka musharaxa ugu habboon inuu noqdo madaxweynaha mustaqablka Somaliland.
Source: Wasaaradda Arrimaha Dibadda & Iskaashiga Caalamiga ah JSL
12th Oct, 2015, Hargeisa, Somaliland.