Agaasimaha guud ee Wasaarada Dhalinyarada iyo Ciyaaraha Cabdirashiid Caydiid Yaasiin ayaa furay kulan socon doona muddo labo cisho ah oo lagaga hadlayo Waddaniyadda.
Cabdirashiid Caydiid Yaasiin oo hadal ka jeediyay furitaankii kulankas ayaa sheegay in Waddaniyaddu muhiim u tahay in qofku aamino waddankiisa ,waxaaanu intaa ku daray in ay tahay in lala dareen noqdo Ciidamada qaranka ee ku sugan jiida hore.
Cabdirashiid Caydiid oo Arimahaa ka hadlayayna.Waxa uu yidhi”Waddaniyadu waa waxyaabaha ugu muhiimsan ee qofku aamino wadankiisa in uu jeclaado oo uu ku faamo,waxaanay macno samaynaysaa waddaniyadu marka aad tagto waddan aan wadankaaga ahayn ee aad ogaato halka aad tagtay in aad marti ku tahay waddaniyadii innaga waxa halkeedii inoogu jirta qabyaalad.Waddaniyadu muhiim ayay u tahay dalkeena.waxaana ku socda duulaan dalkeena cadaw dibada kaga yimi Gobolada bariga. waana in Ciidanka qaranka aynu la dareen noqoono oo aynu garab istaagno,taas ayaa muhiim ah,marka la hadlayana waa in si dawladnimo loo hadlo ee aan si qabiil loo hadlin meeshana ma qabato hdaal qabiil .markaa waa in la xoojiyo waddaniyadda cidda xoojinaysaa waa dhallinyarada,”.
bandhige@gmail.com