Wasiir Ku Xigeenka Wasaaradda H. Maaliyadda JSL Oo Maanta Furay ย Kulan hawleedka qorshaha Fulinta odoroska Dakhli Ee Waaxda Cashuuraha Barriga ee 2020-ka
Wasiir Ku Xigeenka Wasaaradda Horumarinta Maaliyadda Md Muuse Ibraahin Yuusuf (Salaf)
ayaa maanta si rasmi ah u furay ย Kulan hawleedka qorshaha Fulinta odoroska Dakhli ee Waaxda Cashuuraha Barriga ee 2020-ka, iyadoo ย Hotelka Baraar ee Magaaladda Hargeisa ย maanta ย Kulan Balaadhan loogu u qabtay Masuuliyiinta Cashuuraha barriga ee gobolada iyo degmooyinka dalka.
Munaasibadaasi oo ahayd mid si heersare ah loo soo Agaasime ayaa waxa kale oo ka hadlay ย Agaasimaha Guud ee Wasaaradda Horumarinta Maaliyadda Md Maxamed Cabdi Gurxan, Agaasimaha Waaxda Cashuuraha Bariga, Cabdisalaan ย Maxamuud Maxamed, Agaasime ku xigeenka Cashuuraha Barriga Khadar Maxamed Muxumed (Kh. Laas),
Agaasimaha Waaxda Xidhiidhka Dadwaynaha Iyo Xogta Axmed Muuse Maxanuud, Agaasime ku xigeenka Waaxda Iibka Axmed Ismaaciil Maxamed ย iyo Masuuliyiin kale oo ka socday Wasaaradda Horumarinta Maaliyadda, kuwaas oo dhamaantood halkaasi ka jeediyey hadalo mahadnaq iyo dhiirigalin iskugu jira, iyadoo
kulankaasi ย ahaa mid lagu dardargalinayo Qorshaha shaqo ee sanadkii 2020-ka.
Dhinaca kale ย Madaxda Wasaaradda Horumarinta Maaliyadda ayaa Saraakiishaasi Cashuuraha Barriga uga mahadnaqay dadaalkii ay sameeyeen Sanadkii hore maadaama oo Dakhligii ย Miisaaniyaddii 2019-kii ay Qorshihii Ku tala-galka ย ahaa ka batay 5%.
Gunguntii iyo Gabo-gabadii Waxa lagu dhiirigaliyey Masuuliyiinta Cashuuraha Barriga inay ku dadaalaan oo ay u hawlgalaan sidii ay Miisaaniyada 2020-ku uga badan lahayd tii sanadkii hore ee 2019-ka.
Ugu danbayn waxa madashaasi lagu qaybiyey Buuga Miisaaniyadda Muwaadinka oo loogu tallo-galay inay gaadhsiiyaan gobolada iyo degmooyinka ay ka kala yimaadeen.
