Agaasimihii Waaxda Qorshaynta ee Wasaaradda Maaliyadda Weli Daa’uud Cigaal, Maxamed Daa’uud Muuse oo ahaa weriye ka tirsan Horn Cable TV iyo askari ilaalo u ahaa Wasiirka Maaliiyadda oo shalay shil baabuur ku geeriyooday ayaa maanta si heer qaran ah loogu aasay xabaalaha Naasa-Hablood ee Hargeysa.
Aaska marxuumka waxa ka qayb-galay Madaxweyne-Xigeenka Somaliland, wasiirro, xildhibaano, iyo madax badan oo ka tirsan xukuumadda Somaliland oo isaga kala yimid gobollada dalka.
Madaxweynaha Somaliland Axmed Maxamed Maxamuud Siilaanyo ayaa xalay cawaysinkii tacsi u diray saddexda marxuum Ilaahayna uga baryay in uu u naxariisto.
Saddexda marxuum ayaa goor dambe oo shalay ah shil halis ah galay kadib markii booyad maqiiqani dusha ka martay meel u dhaxaysa Aw-Barkhadle iyo Hargeysa.
Bandhige@gmail.com