Duleedka koonfureed ee magaalada Beyruut gaarahaan magaalada Dahiya oo ah xarun ay ku xoogan yihiin Xisbullah ayaa waxaa isugu soo baxay dadweyne aad u fara badan oo ku labisan dhar madoow oo ka qaybgalaya aaska Fuโaad Shukr oo ahaa taliyihii ugu sareeyay maleeshiyada awooda badan ee Lubnaan, isla markaana ahaa xubintii ugu caansanayd ee ay Israaโiil disho intii ay dagaaladu socdeen waayahaan.
Dadka isku soo baxay ayaa watay sawirka Shukr, waxayna lulayeen calanka jaalaha iyo cagaarka ah ee Xisbullah, iyagoo ku qeylinayay qaar ka mid ah hal ku dhigyada kooxda.
Sida laga soo xigtay ciidamada Israaโiil, Shukr ayaa masโuul ka ahaa weerarkii gantaallka ahaa ee lagu dilay 12 carruur iyo dhallinyaro isugu jiray oo ka dhacay garoon kubadda cagta ah oo ku yaalla buuraha Golan Heights oo ay Israaโiil haysato Sabtidii hore.
Xisbullah ayaa iska fogeysay inay ku lug laheed, inkastoo markii hore ay sheegtay inay weerartay saldhig ciidan oo halkaasi ku dhow, taasoo sare u qaadeysa suurtagalnimada ah in gantaalka uu seegay bartilmaameedkii.
Shukr oo sidoo kale loo yaqaanay al-Xaj Muxsin ayaa la sheegay in uu la taliye u ahaa Xasan Nasrallah oo muddo dheer hoggaaminayay Xisbullah.
Xasan Nasrallah ayaa sheegay in dagaalka Israaโiil kala dhaxeeya uu yeeshay waji cusub isla markaana ay aarsan doonaan.
Xigasho:wargeyska dawan Bandhige@gmail.com