Waxa jira laba hilin hab faker oo Aadamuhu kala raaco, waxa aanay kala yihiin:
1. BLACK AND WHITE THINKING: Oo ah in qofka had ba dareen keliya jiito oo qiimaynta ka lumiyo. Qofka qaabkan u fakera haddii uu wax jeclaado na waa xad-dhaaf, haddii uu wax na nacana sida oo kale.
Tusaale: Haddii wanaag kasta hore idiin dhex maro wuxuu weynaysada saaraa gefka ugu dambeeyay ee idin dhex mara. Waxa aanay kaga dhegtaa sideed waxaas iigu quudhay!?
2. DIALECTICAL THINKING: Hannaankani waa habka isku dheeli-tirka dareenada. Qofka qaabkan u fakeraana haddii uu gefo uu garaabaa, haddii lagu gefo na cadhadu ma miyir-dooriso. Waxa aanu awood u leeyahay arrinta khilaafku ka yimid xaggiisa iyo dhinaca kale labada ba ka soo istaago.
Tusaale: Haddii lammaanihiisa ay is khilaafaan oo erey gefka uu qofkani ka tirsado sidan ayuu uga fal-celiyaa; Waan ogahay hadalka aad i tidhi in aanad uga gollahayn in aad igu dhaawacdo laakiin uu i damqay, waanan dhibsaday!
Tusaalaha labaad; aan u soo qaato qofka habkan u fakera oo isagu khalad galay,
” … Hayeeshee, caweys tagay,
Midhkaan cadhada kuu idhi,
Adigu na colaadiyo,
Haw qaadan cudur-weyn,
Sida laba cadaawe ah,
Looma kala cad-goostee.”
Garawshiyo, gar-qaadasho iyo raali-gelin ayuu isku daray.