Waxaan warbaahinta ku arkay taageerayaasha Eng Faysal Cali Waraabe oo ku eedeeyay Beesha Galbeedka Burco in aanay codkooda siinin Eng Faysal doorashadii June, 2010-kii, sida awgeedna aanay la shiri doonin, codna aanay siin doonin Guddoomiye Cirro. Markaan dhawaaqa arkay, waxaan dib u eegay tiradii ay soo saareen Guddiga Doorashooyinka Qaranka “valid votes”, June 2010. Guud ahaan EngineerFaysal Cali Waraabe wuxuu helay 92,459 cod oo u dhiganta 17%, Madaxwayne Daahir Riyaale 178,881 ( 33% ), Madaxwayne Siilaanyo 266,906 ( 50% ).
Hadaba, si aan u kula baandheeyo beelaha taageeray Enginner Faysal Cali Waraabe iyo kuwa qawaday, waxaan soo qaatay degmooyinka ay beelaha sooca ahi “ Single clans “ u badan yihiin sida Baligubadle, Oodwayne, Badhan, Saylac iyo Garadag. Waxaan dhaafay magaalooyinka waawayn ee la wada dego Hargeysa, Burco, Berbera iyo Ceerigaabo.
Sida ku cad shaxda Table A, waxa Engineer Faysal Cali Waraabe qawaday oo codyar siiyay beelaha kala deggan- Saylac 184 cod, Lughaya 143 cod, Baligubadle 709 cod, Gabiilay 1,858 iyo Garadag 186 cod. Dhinaca kale, sida ku cad shaxda Table B, waxa Engineer Faysal Cali Waraabe taageeray oo cod buuran siiyay beelaha kala deggan Salaxlay 11,222 cod, Oodwayne 5,146 cod iyo Badhan 965 cod.
Halkaa waxa ka muuqata in dhawaaqa kasoo yeedhay taageerayaasha Eng Faysal Cali Waraabe uu yahay war khaldan oo xaqiiqada ka fog, laakinse ujeedooyin kale laga leeyahay, oo ah Eng Faysal mar saddexaad tartamo si Col Muuse Biixi jidka logo xaadho.
TABLE A : DEGMOOYINKA DHABRKA U JEEDIYAY ENG FAYSAL
| DISTRICT | RIYAALE | SIILAANYO | FAYSAL | TOTAL
Valid votes |
|
| 1 | Saylac | 4,256 | 3,209 | 184 | 7,649 |
| 56% | 42% | 2% | |||
| 2 | Lughaya | 2,080 | 2,074 | 143 | 4,297 |
| 49% | 48% | 3% | |||
| 3 | Baligubadle | 1,813 | 4,984 | 709 | 7,506 |
| 24% | 67% | 9% | |||
| 4 | Gabiilay | 12,341 | 38,305 | 1,858 | 52,504 |
| 24% | 73% | 3% | |||
| 5 | Garadag | 735 | 4,131 | 186 | 5,052 |
| 15% | 82% | 3% |
TABLE B: DEGMOOYINKA TAAGEERAY ENG FAYSAL CALI WARAABE
| DISTRICT | RIYAALE | SIILAANYO | FAYSAL | TOTAL
Valid votes |
|
| 1 | Salaxlay | 423 | 999 | 9,800 | 11,222 |
| 4% | 9% | 87% | |||
| 2 | Badhan | 734 | 126 | 965 | 1,825 |
| 40% | 7% | 53% | |||
| 3 | Oodwayne | 4,480 | 4,940 | 5,146 | 14,566 |
| 31% | 34% | 35% |
Drs Hoodo Yusuf , Uk, London.