Faataa dhugleh (WQ: Nuur Xaaji Xiiray)

Nin madaxda ka mid ah oo dad u khudbadaynaayay ayaa laga hayaa madaxdu dadka way ka maskax badan yihiin, waxaanu ku sababeeyay maskax badnidaas, waxay helaan buu yidhi talooyin fara badan.

Kalmadii ayaa aad ii taabatay oo aan is waydiiyay tolow hadalkaas ma dhab baa?  Hadalkii ayaan ka fikiray, bal horta xaga diinta hadii aynu ka eegno, Rasuulkeenu SCW, la taliyayaasha madaxda laba uun buu ku sheegay, wasiir wanaagsan oo  wanaaga fara ninka madaxda ah hadii u falana ku kal kaaliya, iyo wasiir xun oo xumaha fara kuna kal kaaliya, ama waa sidii uu yidhi eh Rasuulku SCW.  Labadaa wasiir uun buu inoo sheegay qaar badan inoomuu sheegin.

Hadii aad dadka ka maskax badantihiin iyo hadii kalaba waa la arkaa raadkaad dhigaysaan, kaad ka tagtaana waa loo soo joogi oo taariikhda ayaa sheegi iyo jiilash dambe.  Kuwii lixdankii tuurayba, tallo xumaantoodii waa taa soomali oo dhan midhihiisii guranaysa eh. Idinka la arki doonee.

Soomalidu waxay ku maah maahdaa nin is faanshay waa Ri is nuugtay. Carabtuna waxay tidhaa hadal aan ku gartee. Waayo qofku marka uu hadlo ayuunbaa shakhsiyadiisa la gartaa.

Nin sheekh ah ayaa ardaydiisii wax u dhigaayay, markaa sheekha lugaha ayaa u fidsanaa, nin aad u haybad badan ayaa usoo galay, markaasuu sheekhii xishooday oo uu lugihii laabtay, sidii loo joogay ayuun buu ninkii haybada lahaa suaal aan u qalmin meeqaankiisii waydiiyay sheekhii. Sheekhii wuu uga jawaabay suaashii, waxaanu yidhi waxay ii gaadhay markii aan lugah iska fidsan lahaa (wuxu sheekhu uga jeedaa ninkan arargitidiisa iyo caqligiisu isma laha).

Kollay dadka bani-aadamku ma jeclo qofka ku sifooba laba sifo, kibirka iyo faanka.  Reer Hargaysana qofkaas oo kale waxay yidhaahdaan Faataa Dhugleh.

Halkan hoose ka akhriso maqaalladii hore ee Nuur Xaaji Xiiray:

Dadku maamul xumo ayuunbay ka cabanayaan uun 

Xamar ayaa carqaladaynaysa saldhiga 

Tolow Soomaalidii looma ooyaanka ahaa yaa ku dilay bada Yemen

Ribo Ribo Ribo 

Tolow muxuu Kulmiye u riixayaa in doorashadu waqtigeeda qabsoonto?

Waxaynu galnay xaalad kala guur, tolow siday noqon