Waa shakhsi hadal-dabacsan, oo aan weligii dadka kula hadal luuqad adag,dhaqankiisa ku salaysan miskiinimo, degnaan iyo aamusnaan ayaa la moodaa inuuyahay awliyo soo daahirtay, balse waa munaafaq ilaahay ka goโay. Wuxuu aaminsanyahay in dadka lagula dhaqmo dhaqan qabow oo wata caddaawad qarsoon.Dastuurkiisu waa inuu dadka ku laayo dil aamusan, oo haddii aad arrin isku qabtaan oo ficil ay gaadho weligii ku xanaaqi maayo, oo hadal adag amma run cad ah kuu sheegimayo.
Wuxuu dhaqan u leeyahay inaanu weligii xanaaqin, haddii uu xanaaqana aan laga dareemin, xitaa aan wejigiisa laga dareemin xanaaq. Markasta wuxuu halhays hoose ka dhigtaa in si aamusan bulshad loola dhaqmo, qofkii kuul yimaad hadal run ah ammaย hadal cad in loo dhigoโFajiโ oo si qarsoon looga aargoosto. Faji waa eray suuqdi ah oo micnaheedu yahay in muโaamarad qarsoon qof loo dhigo.
Weligii hadal run ah kuu sheegi mayo, markaad tidhaa maxaad balantii aynu lahayn u jartay wuxuu sheegayaa marmarsiyo amma hawl la soo daristay, laakiin been ah. Luuqada iyo erayada uu ku hadlayaa way wanaagsan yihiin, sida walaal, walaalo, fiican, maansha allah, ilaahay mahadi, al-xamdu li laah, bash bash iyo barwaaqo. Laakiin dhammaan kalmadani hoos uma dhaadhacsana, waa afka barkiisa oo cunaha kama daadagaan. Waayo salad, soon, sako iyo samofal toona midna shuqul kum laha.
Kumana dhaqmo kalmadahan fiican. Heerka ay munaafaqadu ka gaadhay waalidkii ayuu kula dhaqmaa โ Fajidaโ. Oo waxaad arkaysaa aabihii oo ka cabanaya inuu kaga baxay balanqaad oo beentiisa iyo runtiisa aan la kala garanayn.
Nin ay muddo badan saaxiibo ahaayeen oo ay ka dhaxaysay caddowtooyo soo jireen ahayd, ayey iska soo horbaxeen, waxay isku salaameen si heer sare ah, balse waa dusha sare uun hoosta uma dhaadhacsana. Markay kala dhaqaaqeen ayuu midba kan kale nacdalay, oo sifo xun ka sheegay. Markay dadka qaarkii talo weydiiyaan wuxuu ugu soo koobaaโ weligaa ha xanaaqin, hadal cadna ha sheegin, u aargooso si qabow. Qof haddii uu ku xumeeyo, la sugu fursad aad kaga aargoosatid, xitaa haddii ay sannado qaadanayso.โ Wuxuu ugu dambaynta ugu soo af-meeraa kalmada af-ingiriisi ah oo ka turjumaysa dastuurkiisa, oo ah โNever Forget, Never forgiveโ.ย Oo nuxurkeedu yahay weligaa ha iloobin, weligaana waxba ha cafin. Maalin ayuu nin hadalka inta cad ka yaqaan ku yidhi:
โWaxaad tahay munaafaq, xabaashaaduna qodmi mayso.โย
Markaasuu ugu af-celiyey:
โMashiino xabaalaha qodo ayaa la keenay, hadday qodmi weydo kuwaasi ayaa lagu qodi.โ
Bal eeg siduu u jawaabayo, waayo qorshaha uguma jirto inuu hadal cad yidhaa.Waa nin aanu ka soo bixin hadal qofku aamino. Waana sababta keentay in loo bixiyo inuu joog hoose ku duulayo.
Cali Cabdi Coomay
Suxufi, qoraa ah.
Hargaysa, Soomaalilaan