UCID waa xisbi qaran oo saaxada siyaasadda ka baxaaya oo ay hor-fadhiya saddex shaqsi oo aan wada-shaqayn lahayn, sheeko-wadaag lahayn, shaah-wada cab lahayn. UCID malaha barnaamij siyaasi ah “political platform “. Waxa haga hadba hadalka kasoo yeedha Faysal, Cali Guray ama Jamaal. Waa saddex nin oo aragtidoodu kala duwan tahay, aqoontoodu kala durugsan tahay, ficilkooduna kala gedisanyahay. Faysal wuxuu leeyahay weji wadaad, Cali waa muqayil, Jamaalna waa qosol jecel.
1). Faysal laba jeer ayuu dhacay oo ay bulshadu diiday. Faysalna wuxuu diiday in uu kursiga ku wareejiyo, ku-xigeenkiisa. Waxuu dhaar ku maray “kol hadaan cuni-waayay, aan ka ciideeyo Cirro, oo cadka yaanu ” Waxaanu ku tiraabay in uu dhagar geli doono, oo Cirro toogan doono. Wuxuu heshiis la galay Muuse Biixi ,in aanu “Jamaal“ tartan gelin si aanay beeshu u kala jabin. Faysal wuxuu cunay taariikhdaa sheegi, dhakhsana waa loo arki, Soomaaliduna waxay tidhaahdaaa: “Macal cuni muuqan doona. “ Sida ka muuqata Faysal waa nin cibaado badan, laakinse camal xun.
2.) Cali Guray wuxuu ka wareegay Kulmiye, waxxanu u wareegayUDUB, Wuxuu hadana ka wareegay UDUB, waxaanu u wareegayUCID. Wuxuu ku caan baxay weerarka Madax-dhaqameedka iyo Siyaasiyiinta kasoo jeeda beelaha kale, sida Madaxwayne Siilaanyo, Xirsi, Warancade, Cali Mareexaan, Cirro, Waabeeye, Buur-madow iyo qaar kale oo badan.. Arkimaysid ama maqlimaysid isaga oo wax ka sheegaya Siyaasi ama Madax-dhaqameed kasoo jeeda beesha uu ka dhashay, xitaa haddii u fal-danbiyeed gacmaha kula jiro “criminal act”, sida falkii ka dhacay “ Lughaya “ dhawaan wuxuu canbaarayn culus kula dhul kufay Ciidanka Qaranka , isaga oo difaacaaya Seedigi Cumar Geelle iyo baasaboorka Jabuuti ee uu sito. Hawl-maalmeedkiisu waa Face book-ga iyo sheekada dhalinyarada.
3).Musharax Jamaal isaga oo lacag fara badan la ciirciiraaya ayuu geyiga Somaliland soo galay, waxaanu madaxa lagalay badwaynta siyaasada Kharash culus ayuu dhul-dhigay UDUB, laakinse waxa jeebka kaga ritay Warran-cade .Waxa sheeda ka halacsaday Faysal iyo Cali Guray, oo dabin iyo calaaf u dhigay. Markii UCID soo baxayna way siibteen. Jamaal wuxuu ku hafanayaa badwayn, wuxuu ku jiraa godkii Sheekh Cali ay ku rideen Aw Basbaas iyo Gaandi 1962. Abwaan Qaasim wuxuu waaga tiriyey gabay dheer, oo tuducani ku mid yahay:
“Kol haday bad-wayn, ku hafiyaan labada Beenaale,
Oo ay huudhi kaga soo baxaan, way balamayeene,
Ha baaxa degay, sheekha waa balan-balkiisiiye “
Xisbigga UCID iyo Aqoonyahan Jamaal, waxay u baahan yihiin gurmad qaran oo aan loo kala hadhin.
Drs Hoodo Yusuf, london, UK,