Warar

Baadhitaannadii FIFA oo weli socda, Sepp Blatter iyo xubno kale oo lagu eedeeyey xoolo-urursi

June 3, 2016

FIFA President Sepp Blatter and Julio Rocha, then president of the Nicaraguan Federation of Football (NFF), inaugurate a new football stadium in Managua — FIFA President Sepp Blatter (R) and Julio Rocha (L), president of the Nicaraguan Federation of Football (NFF), inaugurate a new football stadium in Managua April 14, 2011. REUTERS/Oswaldo Rivas

In kastoo uu sannad ka hor is casillay Madaxweynihii Xidhiidhka Kubadda Caalamiga ah ee FIFA, haddana waxa weli soconaya baadhitaannada lagu hayo khaladaad lagu tuhunsan yahay in uu sameeyey.

Maamulka hadda ee FIFA ayaa tibaaxay in shirkadda qareennada u ah oo la yidhaa Quinn Emanuel ay soo ogaatay in Madaxweynihii FIFA Sepp Blatter, Xoghayihii Guud Jerome Valcke iyo Xisaabiyihii Guud ahaana Madaxweyne-Xigeen Markus Kattner ay ku kaceen dhaqaale urursi iyagoo isku qoray lacago xadka ka baxsan oo ay ku sheegeen dhiirigelin iyo mushahar-kordhino.

Blatter waxa lagu haystaa 11 milyan oo Doollar oo sharciga baal-marsan, Vlacke 9 milyan halka Kattner lagu haysto 3 milyan oo Doollar.

Baadhitaannadan ayaa lagu sheegay in ay hor-dhac yihiin laakiin la sii wadi doono.

Maamulka ururkan ciyaaraha dunida ugu weyn ee FIFA ayaa dhibaato weyni ka soo gaadhay fadeexado musuq-maasuq oo Maraykanku ku eedeeyey sannadkii la soo dhaafay taas oo sababtay in tuhun lagu soo oogo 42 masuul oo ay ku jiraan Golihii Fulinta oo isku dhan. Taasi waxay sababtay in Madaxweyne Sepp Blatter is casilo kadibna bishii labaad ee sannadkan la doorto Gianni Infantino.

Waxa weli ku socda ururkan isbeddel iyadoo la filayo in laga nadiifiyo dhammaanba hoggaankii hore ee ururkan.

Hoos ka akhriso warbixino hore oo Bandhige ka diyaariyey FIFA

Gianni Infantino oo ku guulaystay Madaxweynenimada FIFA

FIFA oo ku dhawaaqday musharaxiinta u tartamaya jagadda Madaxweynenimo

Musharaxa Madaxweyne ee FIFA Amiir Cali waxa uu ka soo horjeestay in dib loo dhigo doorashada

Shariikadihii FIFA maalgelin jiray, Coca Cola iyo McDonald’s, waxay ku baaqeen in Sepp Blatter dhakhso isku casilo

Baadhitaannadii FIFA oo la filayo in ay galaaftaan xubno iyo ururro hor leh

Xoghayihii FIFA oo shaqadii laga joojiyey eedo musuqmaasuqna loo jeediyey

Ninkii labaad ee Afrikaan ah ayaa isku sharaxay jagada madaxweynenimada FIFA

FIFA oo magacowday madaxa dib- u-habaynta iyada oo ay dul hoganayaan eedaymo musuqmaasuq

Micheal Platini waxa uu ku dhawaaqay in uu u sharaxan yahay madaxweynaha FIFA

Wakhtiga ay dhacayso doorashada FIFA oo la cayimay