Booliska Israa’iil iyo hawlwadeennada caafimaadka ayaa sheegay in laba nin oo Falastiiniyiin ah ay rasaas ku fureen suuqa dukaameysiga ee Sarona oo taala faras magaalada Tel Aviv, halkaasi oo ay ku dileen ugu yaraan 4 qof.
Sidoo kalena waxay sheegeen kooxaha gurmadka degdeg ahi in ay halkaas ku dhaawacmeen 13 qof.
Afhayeenka Booliska Israa’iil Micky Rosenfeld ayaa sheegay in suuqa uu xilligaasi ahaa mid ay dad badan ka dukaameysanayeen.
Rosenfeld sidoo kale waxa uu intaa raaciyey in xilliga uu weerarka dhacayay ay goobta ka agdhawaayeen ciidammada ammaanka
Raysal-wasaaraha Israa’iil, Benjamin Netanyahu, ayaa booqday goobta uu weerarka ka dhacay, waxaanu cambaareeyay kuwa weerarka ka dambeeyay.
Booliska ayaa hadda gacanta ku haya laba nin oo lagu tuhunsan yahay in ay weerarka fuliyeen, mid ka mid ahna waxa uu qabaa dhaawac rasaas kasoo gaadhay.