Madaxwayne Axmed Maxamed Siilaanyo ayaa xafiiskiisa ku qaabilay madaxda iyo masuuliyiinta Maxjaradda ka hawl-gala dalka.
Masuuliyiintan iyo madaxdan waxa horkacaayay wasiirka wasaaradda xanaanada xoolahaย Cabdilaahi Maxamed Daahir โCukuseโ, isagoo warbixin ka siiyay madaxwaynaha ujeedda kulanka ay masuuliyiintani ugu yimaadeen madaxwaynaha, ย waxana uu sheegay inay tahay, salaan iyo xog kala qaadasho, madaxwaynuhuna ย uu u cadeeyo mawqifka xukumadda ee maxjarada iyo wixii kale ee dardaaran ah ee u soo jeedinayo masuuliyiinta.
Intaa ka dib,waxaa hadalka la wareegayย Madaxwaynaha waxaana uu si kooban u sharxay mawqifka xukuumaddaย ee maxjarada, isagoo cadeeyay in maxjaradu yihiin xarumo caafimaad oo looguย talo galay in lagu daryeelo caafimaadka xoolaha oo ah lafdhabarka dhaqaalaha Dalka, isagoo carabka ku adkeeyay inaan loo baahnayn marnaba in isku eri iyo wax kala jiidashoย ay ku dhacaan maxjaradu, madaxwaynaha oo arrintaas ka hadlaya waxa uu yidhi;
ย โwaan idin soo dhawaynayaa, anigoo idinka mahad naqaya kulankan salaanta ah ee aad iigu timaadeen.โ
Madaxwaynuhuย waxa uu intaas uga gudbay hadal iskugu jirayย xusuusin iyo amar ku saabsan mawqifka xukumada ee maxjarada dalka waxana uu yidhi:
โwaxaan idin xasuusinayaa in mawqifka xukumaddu uu yahay, marka ay joogtoย dhinaca maxjarada, in maxjarada lagu dhaqayoย heshiisyadii ay xukumadda la galeen, wasaaradda xanaanada xooluhuna ay ku ilaaliso heshiiskaa, loona baahan yahay in sidoodii loogu dhaqmo, isagoo madaxwaynuhu amraay wasaaradda xanaanada xoolaha in heshiisyadaas sidoodii ay u dhaqan galaan, maxjaraduna ay heshiiskaa ilaaliyaan, dawladduna ay ku ixtiraami doonto.โ
Dhinacooda waxaa halkaasi ka hadlay Masuuliyiintaย maxjarada oo uu ka mid ahaa Xaaji Aadan Axmed ย Diiriye (Baradho), Calinuur Iyo Axmedย Cali , Cabdilaahi Carab Ismaciil , Yaasiin Xaaji Cabdi Cawad (Indho deero) kuwaasoo uga mahadnaqay Madaxweynaha qaabilaada uu ku qaabilay Xafiiskiisa, isla markaasna balan qaaday inay u hogaansamayaan amarada dawlada iyo heshiisyada u dhexeeya xukumadda iyo maxjarada.