Donald Trump ayaa sheegay in haatan qaatay kaadhka musharaxnimada Madaxweynaha Maraykanka ee xisbiga Jamhuuriga.
Hadalkan ayaa waxa Trump sheegay mar uu la hadlayey taageerayaashiisa kaddib markii warbaahinta Maraykanku ay sheegtay in uu ku guulaystay dhammaan shanta gobol ee waqooyi bari Maraykanka ee ay ka dhaceen codbixinta isreeb-reebku.
Sidoo kale isreeb-reebka xisbiga Dimuqraadiga waxa shan gobol ku guullo waaweyn ka soo hooyey Hillary Clinton oo ka guulaysatay ninka ay aadka isku hayaan ee Bernie Sanders, oo isna dhankiisa la sheegay in uu ku guulaystay Jasiiradda Rhode.
Clinton oo taageerayaasheeda kula hadlaysay Pennsylvania, ayaa waxa ay ku amaantay Sanders sida tartankiisa uu u xooggan yahay, waxa ayna sheegtay xisbigu uu midaysan yahay.
Tartanka isreeb-reebka musharaxiinta Madaxweynaha xisbiyada Jamhuuriga iyo Dimuqraadiga ayaa waxay haatan ku dhow yihiin gebagebo.