Diinwaangelintii dib ayaa loo dhigay waxay la mid tahay doorashadii dib ayaa loo dhigay. Sidaan wararka ku helay, fikirka dhib-u-dhigista diiwaangelinta waxa curiyay isbahaysiga labada Guddoomiye ee reer Hargeysa Faysal iyo Muuse. Waxa taageeray Marwo Aamina-Weris , Odayguna wuu ku duceeyay. Maaha naxariis iyo wanaag ay la rabaan dadka galbeedka ku tabaalaysan. Waa xeelad siyaasadeed iyo khiyaamo qaran, waxaana u daliila:
1). Dib-u-dhigista diinwaangelinta waxa hore u codsaday gobolka Awdal iyo Selel oo abaar ba’ani ku habsatay. Dheg jalaq looma siin, waxaana ka bilaabmay olole siyaasadeed oo u hogaaminyay Guddoomiye Muuse, dadkii tabaalaysnaa ee galbeedka umuu gayn quud iyo qaxwi toona, wuxuu ku dhex tuuray colaad iyo xasarad.
- Dib-u-dhigista diinwaangelinta waxa dalbaday GobolkaTogdheer, waxay baaq dheer ku codsadeen in la hakiyo inta raxmaadku da’aayo, balse dheg jalaq looma siin. diinwaangelintii waxay ku galeen nabad-gelyo tusaale fiicana way u noqdeen Somaliland.
- Hawd iyo Saaxil, siiba degmooyina Bulaxaar iyo Baligubadle, waxa ka jiray abaaro iyo biyo la’aan baahsan, sidoo kale labadan gobolna wwaxay codsadeen in diiwangelinta la hakiyo, laakinse dheg -jalaq looma siin. Guulna way ku dhamaatay.
Hadaba, dadka gobolka Maroodijeex 80% waa magaalo joog “ Urban population” , degena Hargeysa. Abaar iyo biyo-laani ma hayso caasimada, mana noqon karto sabab diinwangelinta dib loogu dhigo.
Sidaas daraadeed waxa meesha ku jira waa xeelad siyaasadeed iyo khiyaamo qaran. Waxaana ka danbeeya isbahaysiga Reer Hargeysa. Waxay naawilayaan in diinwaangelinta Marood-jeex lagu qabto ayado lagu jiro nimco iyo barwaaqo, dadkii guurayna soo guryo noqdeen. Xukuumadda Axmed Siilaanyo waxa lagu yaqiin Qaraabo-kiil, maantana waxay ku darsatay Gobolo-kiil.
Goboladda la khiyaameeyay way arkayaan, waanay ciqaabi donaan Musharax Muuse , ayagoo og haddii u guulaysto, in uu dhulka hoos marin doono.
Drs Hoodo Yusuf, London, UK