Musharaxiinta Xisbiga Jamhuuriga Mareykanka ee Ted Cruz iyo John Kasich ayaa ku heshiiyey qorshe ujeedadiisu tahay in Donald Trump laga reebayo in uu noqdo musharaxa xisbiga Jamhuuriga u matalaya doorashada Madaxweynaha ee bisha November ka dhici doonta Maraykanka.
Labadan musharax ayaa isla gartay in John Kasich uusan olole doorasho ka sameyn gobolka Indiana, si Cruz uu halkaas ugaga adkaado Donald Trump, halka Cruz uusan ka ololeyn doonin gobollada Oregon iyo New Mexico, si halkaasu uu ugu guuleysto John Kasich.
Donald Trump ayaa tallaabadan ku qeexay โFicil xun oo naf lacaarinimo ahโ oo ay lasoo baxeen laba musharax โOo laga adkaadayโ waa sida uu hadalka u dhigey e.
Trump ayaa isaga oo ka hadlaya dadaallada Cruz iyo Kasich waxa uu yidhi:
ย โWaa murugo in laba siyaasi ay si shirqool ah ugu heshiiyaan qof siyaasi ahaa kaliya toban bilood, si ay uga horistaagaan in uu ku guuleysto magacaabista xisbiga Jamhuuriga.โย
Donald Trump ayaa ah musharaxa kaliya ee ku guuleysan kara magacaabista xisbiga Jamhuuriga ka hor kulanka xisbiga ee bisha July, halka Cruz iyo Kasich ay isku haleynayaan in lagu dhex doorto kulanka xisbiga.