Donald Trump oo ah musharaxa ugu cad-cad tartanka xisbiga Jamhuuriga ee inta badan muujiyey nacaybka gaar ahaan Muslimiinta ayaa waxa uu guuldaro weyn ka soo hooyey gobollada Wyoming iyo Washington DC.
Ninka la tartamaya Ted Cruz ayaa waxa uu ka helay boqolkiiba 66 gobolka Wyoming, halka gobolka kale Washington DC uu ku guulaystay Marco Rubio.
Guuldarada Trump ayaa waxay imanaysaa wakhti uu Madaxweyne Obama dhalleeceeyey qaabka ololaha xanafta leh uu wado Trump, sidoo kalena Trump ayaa waxa uu la kulmay todobaadkan isu-soo-bax lagaga soo horjeedo kaas oo uu baajiyey isu-soo-bax uu taageerayaashiisa kula hadli lahaa.
Donald Trump ayaa waxa haatan la kulmayaa cadaadis badan oo laga soo horjeediyo, taasi oo ka dhalatay qaabka ololaha uu u wado Trump.
Tartanka ololaha xisbiyada Maraykanka ayaa waxa uu galay wakhti xasaasi ah kaas oo haatan ay abuurmeen isbahaysiyo qaarkood lagaga soo horjeedo.