Guddoomiyaha Xisbiga UCID Eng Faysal Cali Waraabe ayaa maanta hadhimo sharafeed ku maamuusay Madaxweyne-ku-xigeenkii hore ee Puntland Cabdisamad Cali Shire.
Waxaana Hadhimo sharafeedkan ku sugnaa siyaasiyiin miisaan ku leh gobolada bariga Somaliland, oo ay ka mid ahayeen Wasiirkii hore ee shaqada Cali Sandule, Wasiirkii hore Biyaha Xuseen Axmed Cabdale , Jeneral Boodhle, sidoo kale waxaa madashan ku sugnaa madax kale oo uu ka mid aha Jeneraal Cumar Kirix iyo Masuuliyiin kale.
Kulankan ayaa nuxurka qodobadii la isla soo qaaday uu biyo dhacoodu ahaa, sidii looga wada shaqeen lahaa dhisidda qaran la wada leeyahay oo cadaalad ku dhisan .
Sidoo kale waxa la isla qaatay in door muuqda laga qaato gogosha nabadeed ee uu Madaxweyne Siilaanyo fidiyay, ee Burco ka dhici doonta dhammaadka bisha tobnaad ee sannadkan.
Guddoomiye Faysal Cali Waraabe ayaa bogaadiyay sidii Deegaannada Gobolka Sool ay uga qabsoontay Diinwaangalinta Cod-bixiyayaasha.
Geest kale Madaxweyne-ku-xigeenkii hore ee Puntland Cabdisamad Cali Shire ayaa Guddoomiye Faysal uga mahad naqay hadhimo sharafeedka uu ku maamuusay.