Kooxda Manchester City ayaa waxay nus dhammaadka Koobka Horyaalada Yurub la dheelaysaa kooxda Real Madrid.
Taasi ayaa waxa ay ka dhigan tahay in City ay suuragal tahay in finalka koobka ay ka hortagto tababarahooda xilka la wareegi doona xagaagan ee Pep Guardiola, kadib markii kooxda uu haatan layliyo ee Bayern Munich ay ku aadday kooxda Atletico Madrid.
Guardiola ayaa xagaagan waxa uu badeli doonaa tababaraha haatan layliya Manchester City ee Manual Pellegrini.
Lugta hore ee ciyaarahaasi ayaa waxay ka dhacaysaa garoonka Etihad ee Manchester City 26-ka bishan Abril, halka lugta labaadna 4 May lagu dheeli doono caasimadda Spain ee Madrid.
Ciyaarta kama dambeysta ah ayaa 28 May waxaa lagu dheeli doonaa garoonka San Siro ee magaalada Milano ee dalka Talyaaniga.