Maxkamadda Gobolka Hargeysa waxaay maanta ku xukuntay abwaan Naciima Axmed Ibraahim sadex sanadood oo xadhig ah oo ay kaga xukuntay hadal la sheegay inay jeedisay iyada oo joogta Muqdisho. Sida ku qoran xaashida eedda hadalka lagu haysto Naciima waxaay ku tilmaantay xeer-ilaalintu mid ku ah โceebayn iyo canbarayn qaranka.โ
Naciima waxa laga xidhay gegida diyaaradaha ee Cigaal (Hargeysa) 27 January iyada oo u sii socota Muqdisho.
Naciima waxay Xeer-ilaalintu ku eedaysay โhawlo Qaranka ka dhan ah oo muwaadin ka sameeyo dalka debediisa (Qodobka 212 ee Xeerka Ciqaabta) iyo Ceebayn Qaran (qodobka 219 ee Xeerka Ciqaabta).
Maxkamaddu waxaay sheegtay in lagu waayay eedda hore ee ah โhawlo Qaranka ka dhan ah oo muwaadin ka sameeyo dalka debediisa.โ Balse in lagu helay eedda kale ee ah Ceebayn Qaran.
Eedu waxaay la xidhiidha hadalo ay xeer-ilaalintu ku sheegtay in canbaarayn ku yihiin โgooni isu tagga qaranka jsl {Jamhuuriyadda Somaliland}โ, iyo inay ku sheegtay Somaliland โgobol.โ
Xarunta Xuquuqal Insaanku aad bay uga walaacsan tahay xadhiga Naciima oo loo haysto wax la xidhiidha aragtideeda oo ay cabirtay. Dastuurka Jamhuuriyadda Somaliland wuxuu ilaaliyay xorriyadda ay dadku u leeyihiin inay dhiibtaan aragtidooda.
Xaruntu waxaay ka codsanaysaa dawladda Somaliland inay ixtiraamto dastuurkeeda. Aad baan uga walaacsanahay eedaha ay jeediyeen qareenadoodu oo ay ku sheegeen in si xun loola dhaqmay intay xidhnayd. Waxaanu codsanaynaa in baadhitaan madax-banaan lagu sameeyo.
Xaruntu waxaay ka codsanaysaa dawladda Jamhuuriyadda Somaliland in xorriyadeeda loo soo celiyo Naciima Axmed Ibraahim.
Guleid Ahmed Jama
Gudoomiyaha Xarunta Xuquuqal Insaanka
Hargeisa Somaliland
—
Guleid Ahmed Jama
Director of Human Rights Centre,ย Hargeisa Somaliland
Phone: +252634468227 Email: hrcsomaliland@gmail.com
Human Rights Centre (HRC) is the only local human rights watchdog based in Somaliland. It is registered with the Somaliland government as a non-profit-making, non-governmental organization with its own legal personality.
Connect wit us:
https://www.facebook.com/HumanRightsCenterHargeisaSomaliland