𝑯𝒂𝒅𝒅𝒊𝒊 𝒂𝒂𝒅 𝒅𝒂𝒓𝒚𝒆𝒆𝒔𝒉𝒐 𝒒𝒐𝒇 “𝑫𝒆𝒎𝒆𝒏𝒕𝒊𝒂” 𝒉𝒂𝒍𝒆𝒆𝒔𝒉𝒂𝒚 𝒘𝒂𝒙𝒂 𝒙𝒂𝒒𝒊𝒊𝒒𝒐 𝒂𝒉 𝒊𝒏 𝒂𝒂𝒅 𝒄𝒂𝒂𝒘𝒊𝒎𝒐 𝒎𝒂𝒔𝒌𝒂𝒙𝒆𝒆𝒅 𝒊𝒚𝒐 𝒋𝒊𝒅𝒉𝒆𝒆𝒅 𝒖 𝒃𝒂𝒂𝒉𝒂𝒏 𝒕𝒂𝒉𝒂𝒚!!….W/Q:(Dr:Abdikarim.D.Hassan)

Macnaha ereyga Dementia waxa uu u dhawyahay afka Soomaaliga ereyga asaasaq waana erey fasiraado badan la saaro, siyaabo kala duwanna loo qeexo. Waxa macnihiisa soo hoos gala astaamo gabawga la xidhiidha oo aad u tiro badan. Dementia (Dhimenshiya) ma aha xanuun iskii u taagan ee waa khalkhal maskaxeed oo ay keenaan sababto aad u badan.

𝑨𝒔𝒕𝒂𝒂𝒎𝒂𝒉𝒂 𝒅𝒆𝒎𝒆𝒏𝒕𝒊𝒂 𝒒𝒂𝒂𝒓𝒌𝒐𝒐𝒅:

1. Xasuusta oo guurta- gaar ahaan xasuusta mudadda dhow.

2. Xalinta mushkiladaha iyo sababaynta oo adkaata

3. Dawakhaad, dayaw, Jiho-wareer, iyo dhama’, ismoodsiin badan iyo hubanti la’aan.

4. Ereyo badan oo muhiim ah oo luma, iyo hadalka oo taabiya, isku dhex yaac isla markaana macno samayn waaya.

5. Shakhsiyada qofka oo is bedesha- waxa uu noqdaa, gaar ahaan mudda hore, qof shakisan, fir-ka naxsan, kalsoonidii ka luntay oo inta badan isagu isku foogan. Xiliyada danbe waxa uu dayaa in nidaamintii, xaragadii, nadaafadii, iyo noloshii qaayaha lahayd oo dhan.

Xanuunada ugu caansan ee asaasaqa (Dementia) keena waxa ka mid ah 𝑨𝒍𝒛𝒉𝒆𝒊𝒎𝒆𝒓’𝒔 𝒅𝒊𝒔𝒆𝒂𝒔𝒆, 𝒗𝒂𝒔𝒄𝒖𝒍𝒂𝒓 𝒅𝒆𝒎𝒆𝒏𝒕𝒊𝒂, 𝑳𝒆𝒘𝒚 𝒃𝒐𝒅𝒚 𝒅𝒆𝒎𝒆𝒏𝒕𝒊𝒂, 𝒊𝒚𝒐 𝒇𝒓𝒐𝒏𝒕𝒐𝒕𝒆𝒎𝒑𝒐𝒓𝒂𝒍 𝒅𝒆𝒎𝒆𝒏𝒕𝒊𝒂.

“𝘑𝘢𝘤𝘢𝘺𝘭𝘬𝘶 𝘸𝘢𝘢 𝘥𝘢𝘳𝘦𝘦𝘯𝘬𝘢 𝘬𝘦𝘭𝘪 𝘢𝘩 𝘦𝘦 𝘢𝘢𝘯 𝘹𝘶𝘴𝘶𝘶𝘴𝘵𝘢 𝘬𝘢 𝘨𝘶𝘶𝘳𝘪𝘯; 𝘩𝘢𝘥𝘥𝘪𝘪 𝘸𝘢𝘫𝘪𝘺𝘢𝘥𝘢 𝘭𝘢 𝘹𝘢𝘴𝘶𝘶𝘴𝘢𝘯 𝘸𝘢𝘢𝘺𝘰, 𝘥𝘢𝘳𝘦𝘦𝘯𝘬𝘪𝘪𝘴𝘶 𝘲𝘢𝘭𝘣𝘪𝘨𝘢 𝘢𝘺𝘶𝘶 𝘬𝘶 𝘹𝘢𝘳𝘥𝘩𝘢𝘯 𝘺𝘢𝘩𝘢𝘺”

𝑴𝒂𝒍𝒂𝒈𝒂 𝒉𝒐𝒓𝒕𝒂𝒈𝒊 𝒌𝒂𝒓𝒂𝒂?

Ma jirto cid damaanad qaadaysa in aad asaasaq ka badbaadayso haddii cimrigaagu dheeraado, laakiin waxa la leeyahay waxa jira arimo haddii aad nolosha ku dabaqdo, laga yaabo in aad ka hortagto ama dib u dhigto asaasaqa. Waxaa ka mid ah jimicsi joogto ah, cunto isku miisaaman oo sonkortu ku yar tahay, xakamaynta miisaanka, iska ilaalinta nabaradda madaxa (avoiding head injuries), yaraynta dhikhawga hawada (minimizing air pollution), joojinta qiijinta sigaarka iyo cabidda maan dooriyeyaasha, caafimaadka wadnaha iyo xirfad/aqoon sarraysa oo la barto.