Qof isa soo miidaamiyay ayaa isku qarxiyay meel u dhow masaajidka Nabiga ee magaalada Madiina.
Wasaaradda arrimaha guddaha Sucuudiga ayaa sheegtay in afar ka tirsan ciidamada amniga ay dhinteen, 5 kalena ay ku dhaawacmeen, iyagoo isku dayayay in ay ninkaasi is-qarxiyay ka hor istaagaan in uu masaajidka galo.
Masaajidka xaramka Madiina waxa ku aasan Nabi Maxamed NNKH, waxaana sannad walba booqda malaayiin Muslimiin ah oo xujay ah oo daafaha dunada ka kala yimaada.
Dalka Sacuudiga sidoo kale laba qarax ayaa shalay dhacay.
Qof is miidaamiyay ayaa isku qarxiyay masaajid ay Muslimiinta Shiicadu ku tukadaaan oo ku yaalla magaalada Qatif ee bariga Sucuudiga, halka saacaddo ka horna, qof kale uu isku qarxiyay meel u dhow qunsuliyadda Maraykanku ku leeyahay magaalada Jeddah. Safaaradda Maraykanku waxay sheegtay in aan qofna wax ku noqon qaraxaasi.
Sucuudiga aaa ku dhawaaqay in maalinta barrito ah oo Arbaca ah ay tahay maalintii Ciidul Firtiga.