Musharaxa madaxtinimada Maraykanka ee xisbiga Jamhuuriga Donald Trump ayaa is-beddel ku sameeyey ololihiisa doorasho, wax ka yar saddex bil ka hor inta aysan dadweynaha Maraykanka u dareerin goobaha codbixinta.
Waxa uu madaxa sare ee howl-fulinta u magacaabay Stephen Bannon oo ka tirsan website-ka muxaafidka ee Breitbart, halka maareeyaha ololihiisa doorashadana uu u magacaabay Kellyanne Conway. Isagoo magacaabistaa ka waramayana waxa uu yidhi:
โWaa dad aan caadi ahayn, waa guuleystayaal, waa horyaallo, waxaana dooneynaa inaana guuleysano.โ
Tallaabooyinka uu Trump qaaday ayaan saameyn doonin Paul Manafort oo kala waday howlaha ololihiisa tan iyo markii Trump uu bishii June shaqada ka ceydhiyey madaxii hore ee ololihiisa, Corey Lewandowski.
Manafort ayaa dhowaanahan waxaa saarnaa diiradda kadib markii wargeyska New York Times uu daabacay warbixin la xiriirisay in lacag 12 milyan oo dollar oo kaash ah uu ka qaatay madaxweynihii hore ee Ukraine Viktor Yanukovich, oo ku xiran dowladda Ruushka.
Trump ayaa si aad ah uga dambeeya Hillary Clinton dhinaca codadka raโyiga dadweynaha Maraykanka.