Ururka Waddaniga ah ee marka magaciisa la soo gaabiyo loo yaqaano HYDA ayaa waxa tababar u soo xidheen 20 dhallinyaro ah oo baranayey xirfadaha ciladka saarka iyo wastaadnimada.
Xaflada xidhitaanka tatabarkan oo ka dhacday xarunta dhaqanka ee SOCSA ayaa waxa dhallinyaradan loo qaybiyey qalabkii ay u shaqo tagi lahaayeen.
Tababarkan ayaa waxa uu socday muddo afar bilood ah kuwaas oo ay ku qaateen casharo ku saabsan kooraska ay qaadanayeen.
Ardayda baratay tababarka cilad-ka-saarka moobilada iyocambuutarada aya waxa iyaga loo qaybiyey agab dhamaystiran oo ay shaqo ku bilaabi karaan, kuwaas oo iskugu jira miis iyo qalabka ay ku shaqeeyaan wakhtiyad ciladaha ka saarayaan moobil ama combuyuutar.
Mashruucaan shaqo abuurka dhallinayarada ayaa waxa uu wax weyn ka tari doon shaqo laโaanta baahsan ee haysata dhallinyarada.
Dhallinyaradii baranaysay xirfada wastaadnimada ayaa waxa badi ka shaqo galeen shirkadda dhismaha Arabay Construction taasi oo markii hore lagu geeyey in ay ku dabaqaan xirfadii ay barteen.
Ururka HYDA ayaa hadda iyo jeer waxa uu ka shaqeeyaa mashaariicda dalka waxtaraya, ee taabanaya min fiqiir ilaa taajir.
