Weftigii uu hoggaaminayey wasiirka wasaaradda Arrimaha Guddaha Cali Maxamed Waran Cadde oo ay wehelinayaan Wasiirka Wasaarada Warshadaha, wasiirka Xidhiidhka Golayaasha Iyo Tiknolojiyada, Agaasimaha Wasaaradda Madaxtooyadda iyo weriyihii HCTV oo ku xidhnaa magaalada Jigjiga ayaa waxay shalay soo gaadheen Wajaale.
Weriyahan oo ay ciidamada liyuu Booliska ka qaateen magaalo xadeedka Wajaale ayaa muddo ku xidhnaa magaalada Jigjiga kaasi oo waftigu ay kala hadleen siidayntiisa Madaxweynaha iyo madaxda dawlad Deegaanka Soomaalida Itoobiya.
Wariye Mukhtaar oo ka mida shaqaalaha HCTV ayaa shalay galabta iyada oo ay galbinayaan weftigan wasiirada ahi si diiran dadweynuhu ugu soo dhaweeyeen magaalada Wajaaye halkaasi oo ay dadweyne badan oo in muddo ahba sugaayey soo deynta Mukhtaar ku qaabileey farxada sacab iyo shucuur aad u saraysa.
Weriye Mukhtaar ayaa sheegay in ciidamada iyo madaxda dawlad deegaanku ay si wanaagsan ula dhaqmeen intii u ku xidhnaa Jigjiga. Dhinaca kale wasiirka Arrimaha Guddaha Somaliland oo magaalada wajaale kula hadlay dadkii soo dhaweeyey weriyahan ayaa sheegay in ay maanta farxad u tahay isla markaana ay maanta reer Wajaaye iyo shacbiga Gabileyba ay ka guddoomaan wariye Mukhtaar oo in badan warbaahintu ku wareerisay soo dayntiisa.
Weftigan ayaa waxa shirar la qaateen madaxda Dawlad Deegaanka Itoobiya oo ugu horeeyo Madaxweyne Cabdi Maxamed Cumar intii ay ku sugnaayeen.
Kulamadan ayaa waxa looga hadlayey sii daynta weriye Mukhtaar iyo sidoo kale xoojinta xidhiidhka labada dal.