Weftigaasi wuxuu ka koobnaa khubaro iyo aqoonyahanno ka tirsan World Bank oo u kuur galayey sidii Wasaaradda Ganacsiga iyo Maalgashiga looga taageeri lahaa xagga Aqoonta iyo Adeegsiga ICT-ga iyo sidii loo hirgelin lahaa loona taabo gelin lahaa xarunta Diwaan-gelinta Adeega Ganacsiga ee Wasarada (One Stop Shop Business Registration). Mashruucani wuxuuย wax weynย ka tari doonaa horumarintaย hawlaha ay Wasaaradu Qaranka uga masuulka tahay, gaar ahaan xagga fududaynta Adeegyada Ganacsiga iyo Xeerarka Maalgashiga kuwaasoo lagama maarmaan u ah Maalgashiga Caalamiga ah ee uu dalkeenu u baahan yahay.
Wasiirka Wasarada Ganacsiga iyo Maalgashiga wuxuu warbixin faah-faahsan weftiga World Bank-ka ka siiyey goobta isteraatijiga ah ee ay Somaliland ku taalo taasoo ah marrinka ugu muhiimsan ee uu maro Ganacsiga Caalamku. Wasiirku waxa kale oo uu ka weftiga ka socday Baanka Aduunka uga warramay fursadaha ganacsi ee dalka ka jira iyoย khayraadka dabiiciga ee dalka ceegaaga ee u baahan in la Maal-gashado.
Sidoo kale Wasiirku wuxuu ka warramay heerarka ay Somaliland soo martay iyo caqabadaha ay ka soo gudubtay iyo sida ay JSL haatan diyaarka ugu tahay ugunaย baahan tahay xidhiidhiidh ganacsi iyo mid Maalgashiba. Kulanka uu Wasiirka Ganacsiga iyo Maalgashigu la yeeshay Baanka Aduunka waxa ku wehelinayey Agaasimaha Guud, Agaasimahaย waaxda Ganacsiga iyo Agaasimaha waaxda Qorshaynta ee Wasarada. Kulanka ayaa wuxuu ku soo dhamaaday is-afgarad ay labada dhinac isla qaateen in Mashruucan loo bilaabo sida ugu dhaqsaha badan leh ee ugu macquulsan.