Milateriga Suuriya ayaa sheegaya in magaalada Palmyra ay ka heleen xabaal wadareed ay ku aasnaayeen ku dhawaad 40 mayd.
Magaaladaasi ayaa toddobaadkan dib looga qabsaday dagaalyahanada Kooxda Dowladda Islaamiga ah.
Hadhaaga maydka haween iyo carruur ayaa ka mid ahaa maydadka meesha laga helay, iyadoo maydadka qaar madaxa laga jaray.
Palmyra ayaa muddo sannad ku dhaw waxay gacanta ugu jirtay kooxda I-S, kooxdan ayaa waxay xilligaasi maleeshiyaad ku khaarajiin deegaankaas.
Dilalkaasi ayaa waxaa ka mid ahaa mid mar qudha oo ay u gaysteen 25 rag ah oo lagu dilay tiyaatar uu Roomaanku dhisay oo ku yaal magaaladaasi, halkaasi oo caan ku ah dhismooyinka qadiimiga ah.