Xisbal-xaakimka haya talada Somaliland ee Kulmiye ayaa ย waxa uu iska difaacay eedamo uga yimid xubno ka mid ah masuuliyiin ka tirsan xisbiga UCID oo la xidhiidha khilaafka xisbigaas kala qaybiyey.
Afhayeenka xisbiga Kulmiye Xasan Maxamed Cali โGaafaadhiโ oo shir jaraaโid ku qabtay xarunta dhexe ee xisbigu ku leeyahay Hargeysa, waxa uu sheegay in aannu xisbiga Kulmiye iyo hoggaankiisu marnaba wax shaqo ah ku lahayn xisbiga UCID oo ah xisbi qaran oo qadarin iyo ixtiraam ka mudan, waxaannu u soo jeediyey masuuliyiinta xisbigaasi in ay xallistaan khilaafkooda oo aanay cid kale kula galgalan. Isagoo arrintaas ka hadlayana waxa uu yidhi:
โXisbiga UCID waa xisbi Qaran oo leh xeerarkiisa iyo qaab-dhismeedkiisa, waa xisbi qaran oo da’ weyn, ixtiraamna naga mudan haddaanu nahay xisbiga Kulmiye. Muuse Biixi waa Guddoomiyaha Xisbiga Kulmiye, meel uu xisbiga UCID kasoo galanna ma ogin, hawlna tiisaa ka badan.โ
Xasan Gaafaadhi, waxaannu isagoo hadalkiisa sii wata intaa raaciyey:
โXisbiga UCID waxay isku haystaan ha dhamaystaan dhexdooda, tartan aan xasarad lahayna ha u soo diyaargaroobo, aflagaadadu uma wanaagsana qof doonaya inuu ummad hoggaamiyo, xilligii hanjabaadanna waa laga soo gudbay, ciddii wax kala tirsanaysa waxay ku qurux badan tahay inay ku kala baxaan hannaanka sharciga.โ
Dhinaca kale, Afhayeenka Kulmiye waxa uu ka hadlay buug la sheegay in uu yahay waxqabadka xukuumadda oo muddooyinkii u dambeeyey lagu faafinayey baraha bulshadu kuwada xidhiidho, waxaannu yidhi:
โBeryahan waxa baraha bulshada qaarkood lagu arkayey buug tilmaamayey waxqabadka xukuumadda oo galkiisa sare uu ku yaalo sawirka Guddoomiyaha Xisbiga Kulmiye Muuse Biixi Cabdi, buugga waxqabadka waxa soo saaristiisa iska leh xukuumadda, shaqo xisbigu ku leeyahayna ma jirto, waxaana hoggaamiye ka ah Madaxweynaha Jamhuuriyadda Somaliland Axmed Maxamed Maxamuud โSiilaanyoโ iyo adeegayaashiisa u qaabilsan fulinta hawlaha guud.โ
waxa uu hadalkiisa ku afmeeray Afhayeenu
โIntaanu ka ognahay waa buug daabacaadiisa ay samaystay cid dano gaar ahi ka lehi.โ