๐ฆ๐ต๐ถ๐ฟ๐ธ๐ฎ ๐๐ถ๐ฏ ๐จ ๐๐ฒ๐ด๐ถ๐๐๐ฎ ๐ฆ๐ถ๐๐ฎ๐ฎ๐๐ฎ๐ฑ๐ฑ๐ฎ ๐๐ผ๐ฟ๐๐บ๐ฎ๐ฟ๐ถ๐ป๐๐ฎ ๐๐ต๐ฎ๐น๐ถ๐ป๐๐ฎ๐ฟ๐ฎ๐ฑ๐ฎ ๐ฆ๐ผ๐บ๐ฎ๐น๐ถ๐น๐ฎ๐ป๐ฑ ๐ผ๐ผ ๐ธ๐ฎ ๐๐๐ฟ๐บ๐ฎ๐ ๐๐ฎ๐ฟ๐ด๐ฎ๐๐๐ฎ
“๐๐ต๐ฎ๐น๐ถ๐ป๐๐ฎ๐ฟ๐ฎ๐ฑ๐ ๐๐ฎ๐ ๐ฎ๐ ๐ป๐ผ๐พ๐ผ๐๐ฎ๐ ๐๐ฎ๐ป๐ด๐ผ๐ผ๐น ๐บ๐ฎ๐ฟ๐ธ๐ฎ ๐ฑ๐ผ๐ผ๐ฟ๐ฎ๐๐ต๐ผ ๐ท๐ถ๐ฟ๐๐ผ ๐ฎ๐บ๐ฎ ๐พ๐ฎ๐ฏ๐๐ฎ๐ฎ๐น๐ฎ๐ฑ ๐น๐ฎ ๐ฎ๐ฑ๐ฒ๐ฒ๐ด๐๐ฎ๐ฑ๐ผ…” ๐๐ฎ๐๐ถ๐ถ๐ฟ๐ธ๐ฎ ๐๐ถ๐๐ฎ๐ฎ๐ฟ๐ฎ๐ต๐ฎ
๐๐๐ฅ๐๐๐ฌ๐ฆ๐ – Wasiirka wasaaradda Dhalinyaradda, iyo Ciyaaraha JSL ayaa dhalinyarada dalka uga digay in loo addeegsado arrimaha qabyaaladda, iyo waxyaabaha bulshadda kala fogaynaya.
Waxaanu sheegay wasiirku in dhalinyaradu ay noqdeen Hangool loo baahdo marka doorashooyinka ay xisbiyadu gelayaan ama xaalad kale oo qabyaaladeed ay timaado.
Sidaas darteed na dhalinyaradda looga baahan yahay in ay ka fogaadaan wax kastoo aan faa’iido u lahayn mustaqbalkoodda iyo horumarinta dhalinyaradda.
Wasiirka Dhalinyaradda, iyo Ciyaaraha Somaliland Ibraahin Xirsi Jaamac, waxa uu sidan ka sheegay khudbad uu ka jeediyay shirka dib u eegista Siyaasadda Horumarinta Dhalinyarada Somaliland oo ay soo qaban qaabisay wasaaradda Dhalinyarada iyo Ciyaaraha Somaliland.
Shirkaasi oo shalay ka furmay caasimadda Hargaysa, waxaa ka soo qayb galay xubno ka tirsan golaha wasiirrada Somaliland, haayadaha caalamiga ah ee ka shaqeeya arrimaha dhalinyaradda.
Ururada maxaliga ah ee u dhaq dhaqaaqa horumarinta dhalinyaradda, jaamacadaha dalka qaarkood, aqoon yahano, xildhibaano, agaasimeyaal guud, boqolaal dhalinyaro ah, iyo masuuliyiin kale.
Wasiirka wasaaradda Dhalinyaradda, iyo Ciyaaraha JSL Ibraahin Xirsi Jaamac, oo shirkaasi furay ayaa sheegay siyaasadda wasaaradu ay tahay sidii looga shaqayn lahaa horumarinta arrimaha dhalinyaradda.
Waxaanu yidhi “Ka wasaarad ahaan waxaanu ballan qaadaynaa in aanu diyaar u nahay sidii siyaasadaasi ay u hirgeli lahayd. Waxaanu balan qaadaynaa in aanu dhalinyarada dhiiri gelino. Waxaa dhalinyarada lagu tilmaamaa in ay bulshadda ka yihiin 70%”.
Ibraahin Xirsi Jaamac, waxa kaloo uu sheegay in markii dib u eegista lagu samaynayay siyaasadda horumarinta dhalinyarada inuu soo jeediyay in lagu darro dhalinyarada naafada ah.
“Waxaan ka codsaday guddiga soo diyaarinaysay siyaasadani, in dib u eegista siyaasadda dhalinyaradda lagu darro, dhalinyarada baahiyaha gaarka ah qaba” Ibraahin Xirsi Jaamac, wasiirka Dhalinyaradda iyo ciyaaraha Somaliland.
Sidoo kale wasiirka ayaa ka hadlay in saamaynta xun ee ay qabyaaladu ku keentay dhalinyaradda.
Waxaanu yidhi “Dhalinyaradu waxay noqotay Hangool, marka reerku guurro la xasuusto. Marka doorasho jirto, ama xaalad kale timaado ayaa la adeegsadaa. Doorashadu waa tartan.
Inagu dhalinyaro ahaan aynu isku tashano, oo wixii inaga maqan aan raadsano, oo aynu is kaashano”.
Geesta kale wasiirku waxa uu sheegay in ay doonayaan sidii dhalinyarada loo horumarin lahaa, sida garroomada ay ku ciyaaraan, tababarada kor loogu qaadayo xirfadaha, iyo aqoonta dhalinyarada, iyo waxyaabaha kaleba.
Dhinaca kale wasiirka Ciyaaraha Somaliland ayaa ku amaanay haayadda UNFPA sida wanaagsan ee ay ula shaqayso, isagoo na ugu baaqay dhamaanba haayadaha kale in ay kala shaqeeyaan arrimaha dhalinyaradda.