Diyaarad ay leedahay shirkadda Emirates ayaa dab ka holcayaa kadib markii si khasab ah lagu soo fadhiisiyey maddaarka Dubai goor dhawayd.
Diyaaraddan oo nooceedu yahay Boeing 777 ayaa ka timid magaalada Thiruvananthapuram (Trivandrum) ee magaalo-madaxda gobolka Kerala ee dhul-weynaha Hindiya.
Shiriikadda Emirates ayaa barta ay ku leeyihiin Twitter-ka waxay ku yidhaahdeen:
“Waxanu xaqiijinaynaa in shil ku yimid diyaarad aanu leenahay oo hadda soo fadhiisatay maddaarka Dubai.”
Diyaaradda waxa saarnaa 275 isugu jira rakaab iyo shaqaalihii diyaaradda. Wasaaradda Warfaafinta Imaaraadka Carabta ayaa tibaaxaysa in shaqaalihii iyo rakaabkii badankiisii hadda la badbaadiyey inta kalena dedaal loogu jiro sidii loo badbaadin lahaa.
Weli lama oga sababta sababtay shilka diyaaradda laakiin sida muuqata waxa ku timid nooc cillad ah oo halis geliyey duulimaadkan.
Waxa hakad la geliyey dhammaan duulimaadyadii ka tegi lahaa maddaarka iyo kuwii soo degi lahaa ilaa wakhti aan la cayimin oo u muuqda in uu ku koobnaan doono inta gurmadku socdo.
Bandhige News
bandhige@gmail.com