Ninka ugu cadcad musharraxiinta xisbiga Jamhuuriga ee Maraykanka, Donald Trump, ayaa guul weyn ka soo hooyey tartanka isreeb-reebka doorashada xisbiga ku yeeshay gobolka South Carolina.
Senatorada Jamhuuriga ee kala ah Ted Cruz iyo Marco Rubio ayaa ku loollamaya kaalinta labaad.
Jeb Bush oo la dhashay madaxweynihii Obama ka horeeyay, ayaa isaga hadhay tartanka madaxtinimada, ka dib markii uu natiijo wanaagsan ka keeni waayay doorashooyinkan isreeb-reebka ah.
Dhanka xisbiga dimuqraadigana, Hillary Clinton ayaa Bernie Sanders kaga guuleysatay doorashadii uu xisbigooda ku qabtay gobolka Nevada.
Natiijooyinkan ayaa muhiim u ah musharraxiinta, xilli Talaadada ay taariikhdu tahay 1-ka Maarj ay gobolo badan ka dhici doonto doorashada isreeb-reebku.